Цэнтр Менска стаў у заторах
- 8.11.2017, 21:48
- 40,121
Вялікі затор утварыўся праз сур'ёзную аварыю.
Праз аварыю ў цэнтры Менска ўтварыўся вялікі затор - на месца ДТЗ выехалі хуткая, ДАІ і МНС. Як паведамляюць відавочцы, сутыкнуліся тры аўтамабілі. Адзін з іх, як паведамляюць відавочцы, загарэўся.
Як паведаміла tut.by афіцыйная прадстаўніца Менскага гарадскога ўпраўлення МНС Вольга Мельчанка, на «101» паступіла паведамленне аб ДТЗ на праспекце Незалежнасці, 32 (насупраць цырка). У аварыі сутыкнуліся тры аўто. Паводле папярэдняй інфармацыі, адно з іх загарэлася, аднак па прыбыцці ратавальнікі інфармацыю не пацвердзілі. Дапамога МНС не спатрэбілася.
Як паведамляюць відавочцы з месца аварыі, двум кіроўцам спатрэбілася меддапамога - іх аглядаюць медыкі.
- Хутчэй за ўсё, праз удару пачаў выцякаць антыфрыз, здалося, што машына гарыць. Але адкрытага агню не было, - напісалі на пошту чытачы.
На праспекце Незалежнасці ўтварыўся вялікі затор. Рух з боку Кастрычніцкай плошчы ў напрамку плошчы Перамогі ажыццяўляецца толькі па двух правых палосах, а ў адваротным кірунку - толькі па крайняй правай. Кіроўцаў просяць улічваць гэтую інфармацыю.