«Мінскбуд» выставіў на аўкцыён «супертанныя» кватэры
19- 10.12.2017, 12:19
- 32,049
Кватэры на праспекце Газеты «Праўда» каштуюць танней, чым калі б давялося будаваць цяпер.
Дзяржаўны забудоўшчык не першы раз прадае з аўкцыёну кватэры ў доме №1 на праспекце Газеты «Праўда». За некалькі гадоў большая частка кватэр пайшла з малатка, апошнія шэсць чакаюць пакупніка больш за год. На гандаль, якія павінны адбыцца 27 снежня, гэтыя кватэры выстаўленыя коштам у эквіваленце - ніжэй за $1 тысячу за квадратны метр. Танней, чым калі б давялося цяпер будаваць, піша realt.by.
З шасці кватэр у доме №1 на праспекце Газеты «Праўда» дзве аднапакаёвыя, дзве двухпакаёвыя і дзве трохпакаёвыя.
Плошча аднапакаёвых кватэр 35,8 і 50,5 квадратнага метра. Кошт Br76 тысячы і Br96,7 тысячы адпаведна. Пачатковы кошт квадратнага метра ў даляравым эквіваленце - $1061 і $955.
Плошча двухпакаёвых кватэр - 66,1 і 66,2 квадратнага метра. Кошт кватэр - Br138 тысяч і Br135 тысяч адпаведна. Коштам квадратнага метра - $1043 і $1019 у эквіваленце.
Плошча трохпакаёвых кватэр - 92,6 квадратнага метра. Пачатковым коштам яны адрозніваюцца: трохпакаёвая на другім паверсе - Br160 тысяч, на дванаццатым - Br175 тысяч. Кошт «квадрата» ў іх - $863 і $944 у эквіваленце.
Акрамя кватэр на праспекце Газеты «Праўда» «Мінскбуд» выставіў на таргі яшчэ тры кватэры: аднапакаёвую ў доме на вуліцы Старынаўскай, двухпакаёвую - на вуліцы Сяргея Ясеніна і трохпакаёвую ў доме на вуліцы Усевалада Ігнатоўскага.
Аўкцыён пройдзе 27 снежня ў Менскім гарадскім цэнтры нерухомасці. Варта памятаць, што калі на кватэру прэтэндуе толькі адзін заяўнік, яму жыллё дастанецца пачатковым коштам, павялічаным на 5%.