Сіноптыкі: З аўторка ў Беларусь прыйдзе адліга

Гідрамет распавёў пра надвор'е на тыдзень.

Няўстойлівы характар надвор'я з павышаным тэмпературным рэжымам чакаецца ў Беларусі на гэтым тыдні, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

«Ужо найбліжэйшымі днямі на тэрыторыю Беларусі пачне паступаць вельмі цёплае паветра з паўднёвага захаду Еўропы, чакаецца адліга, і выпаўшы снег амаль цалкам растане», - распавялі ў Гідрамет.

У аўторак, 12 снежня, чакаецца вельмі цёплае для зімовага часу надвор'е. Гэта будзе самы цёплы дзень на гэтым тыдні. Тэмпература паветра ўначы складзе ад мінус 4 да плюс 2 градусаў, у другой палове дня - 2-8 градусаў цяпла. На паўднёвым захадзе краіны будзе яшчэ цяплей: уначы - 3-5 градусаў вышэй за нуль, удзень - плюс 9-11 градусаў. У асобных раёнах краіны пройдуць кароткачасовыя ападкі (дождж, уначы з мокрым снегам). Уначы і ўранку чакаецца слабы галалёд. На асобных адцінках дарог магчымая галалёдзіца. Вецер прагназуецца паўднёва-заходні парывісты.

У сераду, 13 снежня, уначы ў асобных раёнах, удзень пераважна на паўднёвым усходзе краіны чакаюцца ападкі (дождж, мокры снег). Месцамі магчымы слабыя туман і галалёд. На асобных адрэзках дарог галалёдзіца. Уначы захаваецца парывісты вецер. Тэмпература паветра ўначы складзе ад мінус 2 да плюс 4 градусаў, удзень - ад нуля да плюс 5.

У чацвер, 14 снежня, атмасферныя франты абумовяць уначы на паўднёвым усходзе краіны, удзень на большай частцы тэрыторыі кароткачасовыя ападкі (мокры снег, дождж). Месцамі чакаюцца слабыя туман і галалёд. На дарогах месцамі ўтворыцца галалёдзіца. Тэмпература паветра ўначы панізіцца да 1-7 градусаў марозу, удзень будзе ад мінус 3 да плюс 3 градусаў.

У пятніцу, 15 снежня, захаваецца няўстойлівае надвор'е, на большай частцы тэрыторыі краіны пройдуць кароткачасовыя ападкі (мокры снег, дождж), чакаюцца слабыя туман і галалёд. Уначы на асобных адрэзках дарог магчымая галалёдзіца. Удзень ападкі будуць суправаджацца парывістым ветрам. Тэмпература паветра ўначы складзе ад мінус 3 да плюс 2 градусаў. Удзень будзе ў асноўным ад мінус 1 да плюс 4 градусаў, на паўднёвым захадзе тэмпература павысіцца да 6 градусаў цяпла.