Адразу два беларускія трэнеры могуць узначаліць клубы з Казахстана
1- 14.12.2017, 18:44
- 9,324
Клубы з Казахстана разглядаюць кандыдатуры Алега Конанава і Уладзіміра Жураўля.
Уладзімір Журавель, які пакінуў пасаду галоўнага трэнера берасцейскага «Дынама», можа быць прызначаны на аналагічную пасаду ў «Шахцёр» з Караганды, паведамляе «Прессбол».
У сезоне-2017 берасцейскія дынамаўцы пад кіраўніцтвам беларускага спецыяліста выйгралі Кубак краіны і фінішавалі чацвёртымі ў чэмпіянаце, адстаўшы ад БАТЭ і менскага «Дынама» на 17 балаў, ад салігорскага «Шахцёра» - на 14.
У казахстанскай прэм'ер-лізе ў мінулым сезоне «Шахцёр» заняў сёмае месца.
Яшчэ адзін беларускі трэнер Алег Конанаў можа ўзначаліць «Астану». Нагадаем, раней спецыяліст працаваў у «Ахмат».
У мінулым сезоне «Астана» стала чэмпіёнам Казахстана і выйшла ў 1/16 фіналу Лігі Еўропы, аднак кіраўніцтва клуба наважыла расстацца з балгарскім трэнерам Станімірам Стойлавым.
Адзначым, што ў «Астане» выступаюць беларускі абаронца Ігар Шытаў і паўабаронца Іван Маеўскі.