Паспець з візай: Куды беларусам звярнуцца перад Калядамі і Новым годам

Графік працы амбасад у навагоднія святы.

Новы год звязаны найперш з прыемнымі клопатамі, асабліва калі гэта падрыхтоўка да падарожжа. Але трэба памятаць, што такую падрыхтоўку лепш арганізаваць крыху раней, чым звычайна, бо работнікі пасольстваў таксама сыходзяць на калядныя вакацыі. TIO.BY даведаўся, хто прыме вас нават 29 снежня, а да каго лепш запісацца проста цяпер.

У гэтым годзе 30 і 31 снежня, а таксама 6 і 7 студзеня выпадаюць на выходныя дні, калі ўсе амбасады і так не працуюць. Таму з гэтымі датамі пытанняў няма - усе яны апрыёры становяцца выходнымі. 25 снежня і 1 студзеня таксама ўсё адпачываюць, а вось з астатнімі калясвяточнымі датамі ёсць варыяцыі.

Такім чынам, усе ахвотныя атрымаць літоўскую візу павінны ўлічваць, што Пасольства Літвы, акрамя 25 снежня і 1 студзеня, не будзе таксама працаваць і 26 снежня.

У Пасольстве Польшчы паведамілі, што выходнымі будуць 25 і 26 снежня, пасля гэтага адзін дзень - 27 снежня - Амбасада будзе працаваць, а затым адправіцца на адпачынак аж да 2 студзеня.

На сайце Амбасады Чэхіі паказана, што святочнымі днямі стануць 25 і 26 снежня, а таксама 1 студзеня. «Звычайна консульскі аддзел не працуе ў чэшскія і беларускія святы, іх спіс ёсць у нас на сайце, - растлумачылі ў Амбасадзе. - У выпадку якіх-небудзь змяненняў дадаткова будуць размешчаныя даты. Акрамя гэтага, падача дакументаў праводзіцца выключна рэгістрацыі, а зарэгістравацца можна толькі на тыя дні, калі Амбасада працуе. Так што турысты наконт гэтага могуць не хвалявацца».

У Пасольстве Гішпаніі распавялі, што выходнымі будуць 1 і 8 студзеня, а таксама 25 снежня. «Дакументы можна падаць нават 30 снежня (31 - гэта субота, таму ў гэты дзень нельга), і пакуль ніякіх скарачэнняў рэжыму працы не прадбачыцца», - растлумачылі ў Амбасадзе.

У Пасольстве Нямеччыны паведамілі, што выходнымі днямі прызначаныя 25 і 26 снежня і 1 студзеня. У астатнія дні работа вядзецца стандартным графікам.

А вось тым, хто на Новы год хоча пакатацца на лыжах у Балгарыі, варта паспяшацца, бо ў канцы снежня Амбасада будзе адпачываць даволі доўга: «22 снежня - апошні наш працоўны дзень, потым мы адпачываем да 27 уключна, - патлумачылі ў Амбасадзе Балгарыі. - Затым працуем два дні - 28 і 29 снежня. А пасля Новага года выходзім на працу 2-га студзеня».