28 сакавiка 2024, Чацвер, 21:24
Падтрымайце
сайт
Сім сім,
Хартыя 97!
Рубрыкі

Беларуская навука не можа ўтрымаць кадры

20
Беларуская навука не можа ўтрымаць кадры

За апошнія пяць гадоў Беларусь страціла больш за пяць тысяч навукоўцаў.

У Беларусі за апошнія 5 гадоў спецыялістаў, якія займаюцца навуковымі даследаваннямі і распрацоўкамі, стала менш амаль на 5,3 тысячы. Такія высновы можна зрабіць са звестак Белстата ў навуцы і інавацыйнай дзейнасці. Tut.by паглядзеў, як з 2011 года змянілася колькасць навукоўцаў.

У 2011 годзе налічвалася 31 194 работнікі, якія занятыя навуковымі даследаваннямі і распрацоўкамі, а летась - ужо 25 942 чалавекі. Да прыкладу, лік даследчыкаў з 2011 года скараціўся амаль на 2,8 тысячы чалавек. Дактароў навук паменшылася да 631 (-110), а кандыдатаў навук - да 2813 (-337).

Больш за ўсё даследчыкаў працуе па-ранейшаму ў Менску - 12 299 чалавек у 2016 годзе. Для параўнання: у Гарадзенскай вобласці іх усяго 225.

Дапаможнага персаналу за апошнія 5 гадоў у Беларусі таксама паменшылася: з 9 290 чалавек у 2011 годзе да 7 445 чалавек летась. Тэхнікаў таксама стала менш: з 2 236 да 1 618 чалавек.

Большасць занятых навуковымі даследаваннямі і распрацоўкамі па-ранейшаму працуе ў камерцыйных арганізацыях (16 326 чалавек у 2016 годзе), астатнія - у дзяржсектары (6 802 чалавек) і сектары вышэйшай адукацыі (2 810 чалавек). Пры гэтым ва ўсіх гэтых сектарах за апошнія 5 гадоў скарацілася колькасць работнікаў.

Сярэдні заробак спецыялістаў, якія занятыя навуковымі даследаваннямі і распрацоўкамі, у 2016 годзе склаў 1008 рублёў. Для параўнання: у кастрычніку гэтага года гэтыя спецыялісты атрымлівалі ў сярэднім 1 193,9 рубля.

Напісаць каментар 20

Таксама сачыце за акаўнтамі Charter97.org у сацыяльных сетках