У новай расейскай падлодцы знайшлі амерыканскія тэхналогіі
7- 15.12.2017, 19:34
- 25,322
Экспэрт распавёў, якія заходнія тэхналогіі будаўніцтва атамных субмарын «запазычылі» расейцы.
У найноўшых расейскіх атамных субмарынах праекта 955А «Барэй» знайшлі канструктыўныя элементы заходніх падводных лодак, якія падвышаюць як эфектыўнасць субмарын, так і іх здольнасць заставацца незаўважанымі, пішуць «замежным СМІ».
Аўтар кнігі «Падводныя лодкі свету: Сакрэтныя берагі. Кіраўніцтва па ідэнтыфікацыі» Сатон (H.I. Sutton) мяркуе, што «хваставая частка з рулямі, што паварочваюцца, і тарцавымі пласцінамі на гарызантальных стабілізатарах такія ж, як на АПЛ класа «Агаё» ВМС ЗША».
Таксама ў «Барэях» ужываецца вадамётны рухавік замест тыповай вяслярнай шрубы. Такую сістэму ўпершыню выкарыстаў Каралеўскі вайскова-марскі флот Вялікабрытаніі, затым яе ўжылі на падводных лодках ВМС ЗША класа Seawolf у 1990-х гадах. «Барэі» - першыя расейскія АПЛ, абсталяваныя такімі рухавікамі.
Яшчэ адзін заходні след - гладкая абцякальная рубка. Гэта робіць лодку падобнай да амерыканскіх субмарын, хоць яна нашмат даўжэйшая.
Зрэшты, усё гэта не кажа, што новая версія «Барэя» АПЛ «Князь Уладзімір» - копія АПЛ заходняй вытворчасці. Сатон указвае, што субмарына мае «традыцыйную для расейскіх АПЛ двухкорпусную канструкцыю. Заходнія лодкі аднакорпусныя».
Таксама Сатон вылучыў незвычайную асаблівасць «Барэяў» - вялікая колькасць тарпед і тарпедных адсекаў. Такая колькасць тарпед - незвычайнае ўзмацненне для падводнай лодкі, узброенай 16 балістычнымі ракетамі. Гэта ракеты РСМ-56 «Булава», якія дазваляюць субмарыне наносіць ядзерныя ўдары па любым пункце зямнога шара.