Сёння беларусы змогуць назіраць супермесяц

Супермесяц узыдзе над Зямлёй таксама 1 і 31 студзеня.

У нядзелю, 3 снежня жыхары Зямлі змогуць назіраць супермесяц, паведамляе NASA.

У гэты час Месяц дасягне найбольшых бачных памераў за 2017 год. Адзначаецца, што ён будзе на 14% большы і на 30% ярчэйшы. Назіраць супермесяц можна будзе прыкладна з 19:00 па Менску 3 снежня і да раніцы 4 снежня.

Акрамя таго, як падкрэслівае агенцтва, назіраць супермесяц можна будзе таксама 1 і 31 студзеня. Пры гэтым супермесяц 31 студзеня супадзе па часе з поўным месяцовым зацьменнем.