Пікет супраць дзедаўшчыны нарабіў шуму ў Мёрах
8- 3.12.2017, 12:54
- 39,350
Забараніць пікет наўпрост улады не змаглі і прыдумалі «квэст».
На заяўку актывістаў АГП у Мёрах атрымана адмова, пікет «Стоп дзедаўшчына - у войску і краіне!» улады правесці не дазволілі. Патлумачылі гэта адсутнасцю дамоў з міліцыяй, медыкамі і ЖКГ, паведамляе сайт westki.info.
Акрамя таго, намесніца старшыні райвыканкама ў сацыяльных пытаннях Т.А. Стэльмачонак заявіла актывісту АГП Сяргею Васільеву, што ў цэнтры горада на пл. Загінулых змагароў яны не могуць запытваць пікет, хоць усе афіцыйныя святы і мерапрыемствы праходзяць там.
А недзяржаўныя мерапрыемствы ў Мёрах могуць праводзіцца толькі ў двух месцах - на паўвостраве і на стадыёне.
З нагоды дамовы з міліцыяй, якую патрабуюць раённыя ўлады для правядзення пікета, Сяргей Васільеў пагаварыў з начальнікам Мёрскага РАУС падпалкоўнікам Патапенкам. З ягоных слоў, дамову гэту трэба заключаць нават не з мясцовай міліцыяй, а з Віцебскай, прычым расцэнкі - ад 17 рублёў у гадзіну на чалавека і да таго ж залежаць ад звання «ахоўваючых».