Эксперт: Ці ведаеце вы, што «ваша» жыллё на самой справе належыць дзяржаве?
21- 4.12.2017, 9:46
- 83,505
Чаму беларусы аказаліся ў «камунальнай пастцы».
Жыллё савецкага ўзору задумвалася як цалкам дзяржаўнае і дзяржаўнымі гіганцкімі структурамі абслугоўвалася.
Сёння ўласнік кватэры - просты чалавек, але абслугоўвае кватэру цэлае міністэрства ЖКГ, і на яго пастановы простаму чалавеку паўплываць немагчыма.
Газавыя, ацяпляльныя, вадаправодныя, вентыляцыйныя, электрычныя, тэлевізійныя, тэлефонныя, каналізацыйныя сеткі, вываз смецця, ліфты, аўтастаянкі - без усяго гэтага сучасны дом мёртвы і не мае цаны. Але ўсім пералічаным так ці інакш кіруе дзяржава. Так што вам, калі падумаць, належыць не само жыллё, а толькі права жыць у ім.
«Тым часам для ўсё большай колькасці так званых уласнікаў іх ячэйкі ў мурашніках, пабудаваных на дзяржаўнай зямлі - не па кішэні. З новага года аплата падвысіцца на чвэрць», - дадае эксперт праграмы «Асабісты капітал» на тэлеканале «Белсат» Міхаіл Залескі.
Прагназуецца, што за стандартную двухпакаёвую кватэру камунальныя паслугі замест цяперашніх 58 рублёў у наступным годзе будуць каштаваць 72. А як будзе выглядаць структура камунальных плацяжоў, і як чыноўнікі плануюць развязаць праблемы ЖКГ - глядзіце ў сюжэце праграмы «Асабісты капітал».