Берасцейскі актывіст задаў уладам сто нязручных пытанняў
5- 5.12.2017, 14:44
- 20,735
Віталь Казак стала нагадвае чыноўнікам аб іх наўпроставых абавязках.
Сто пытанняў да органаў мясцовай улады сфармуляваў і перадаў у гарадскі выканаўчы камітэт берасцейскі актывіст Віталь Казак, паведамляе «Радыё Свабода».
Спіс быў сфармуляваны паводле прынцыпу таго, што найбольш непакоіць берасцейцаў і дзе чыноўнікі бяздзейнічаюць.
«Гэтыя праблемы я збіраў два з паловай гады, і мяне шмат ужо хто ведае ў горадзе», - распавёў Віталь Казак:
- На практыцы праводжу дні інфармавання або сход мікрараёна горада, дзе з дапамогай узмацняльнай апаратуры даношу да людзей інфармацыю, якую мне даслалі ўлады аб тых ці іншых пытаннях, дзе людзі бралі ўдзел у фармуляванні гэтых праблем і ставілі свае подпісы. Таму досвед у мяне такі ёсць, грамадзяне мяне ведаюць. Яны заўсёды звяртаюцца да мяне - як праз тэлефон, так і прыходзяць дадому, бо ведаюць, дзе я жыву, ці запрашаюць да сябе.
Са слоў Віталя Казака, некаторыя берасцейцы не хочуць пакідаць свае звесткі, бо на іх могуць націснуць з боку ўладаў. Таму яны дэлегуюць актывісту магчымасць прадстаўляць іх інтарэсы.