МУС Украіны абвясціла ў вышук Саакашвілі
21- 6.12.2017, 18:14
- 25,062
Інфармацыя пра гэта апублікаваная на сайце міністэрства ў раздзеле «Асобы, якія тояцца ад органаў улады».
Міністэрства ўнутраных спраў абвясціла ў вышук былога прэзідэнта Грузіі, лідара партыі «Рух нових сіл» Міхаіла Саакашвілі, піша «Гордан».
Інфармацыя пра гэта апублікаваная на сайце міністэрства ў раздзеле «Асобы, якія тояцца ад органаў улады».
Палітык адшукваецца Нацыянальнай паліцыяй як чалавек, якія хаваецца ад органаў пракуратуры. Паводле версіі МУС, Саакашвілі прапаў 5 снежня.
Яго абвінавачваюць паводле артыкула 256 ч.2 (Садзейнічанне ўдзельнікам злачынных арганізацый і ўтойванне іх злачыннай дзейнасці, учыненыя службовай асобай або паўторна).
Санкцыя паводле гэтага артыкула прадугледжвае пазбаўленне волі на тэрмін ад пяці да 10 гадоў з пазбаўленнем права займаць пэўныя пасады або займацца пэўнай дзейнасцю на тэрмін да трох гадоў.
У картцы вышуку адзначаецца, што ў дачыненні да Саакашвілі мера стрымання не ўжывалася.