28 сакавiка 2024, Чацвер, 18:12
Падтрымайце
сайт
Сім сім,
Хартыя 97!
Рубрыкі

«Калі служыць засталіся адны беларусы, здавалася, што дзедаўшчына знікне»

25
«Калі служыць засталіся адны беларусы, здавалася, што дзедаўшчына знікне»

Камандзір Унутранымі войскамі распавёў аб нестатутных стасунках у беларускім войску.

Намеснік міністра ўнутраных спраў - камандзір унутранымі войскамі Юрый Караеў падзяліўся сваім досведам барацьбы з дзедаўшчынай. Гэта адбылося падчас сустрэчы з выпускнікамі факультэта ўнутраных войскаў Вайсковай акадэміі падчас вучэбна-метадычнага збору.

Як піша часопіс «Спецназ», Караеў адзначыў, што выпадак смерці ў Печах радавога Аляксандра Коржыча паказаў: «Галоўная небяспека ў сферы парушэння статутных правілаў узаемадачыненняў у сучасным войску - гандлёва-грашовыя стасункі паміж вайскоўцамі, а прасцей кажучы, звычайнае вымагальніцтва: грашовыя пералічэнні на банкаўскую картку, «купля» пэўных выгод на службе, карыстанне мабільным тэлефонам з шалёным тарыфам».

Караеў адзначыў, што ў СССР «панавала махровая дзедаўшчына», заснаваная на нацыянальнай варожасці. «Пасля распаду СССР я думаў, што калі будуць служыць адны беларусы, то праблема «нестатутных стасункаў» знікне сама сабой. Але прыйшло засілле сяржантаў. А праз некалькі гадоў зноў вярнулася і розніца ў наборах. Проста ўсе дзейнічалі паводле прынцыпу: з мяне здзекаваліся, і я буду».

Караеў распавёў, што, будучы камандзірам вайсковай часткі, за два тыдні выявіў усю сістэму дзедаўшчыны ў ёй. «На чале ўсіх бясчынстваў» стаяў намеснік камандзіра аднаго з узводаў, старшы сяржант. Паводле слоў намесніка міністра, прычынай парушэння статутных стасункаў, перш за ўсё, з'яўляецца адсутнасць (вакант) камандзіра ўзвода, абыякавасць камандзіра роты, боязь адказнасці з боку камандзіра часткі.

«Калі парушэнне адбылося, то першарадная задача камандзіра ўзвода - паведаміць пра гэта і пазбавіць сябе ад граху ўтойвання», - сказаў Караеў.

На ягоную думку, кожнае злачынства, што адбываецца ў падраздзяленні, - гэта «ўдар па войсках, сілавых ведамствах, дзяржаве і прэзідэнту».

Таксама Юры Караеў назваў асноўнае зло, з якім сутыкаецца малады афіцэр: «1. Алкаголь: колькі дзе і з кім. 2. Грошы: запазычанасці, заклады, гульні. 3. Начное баўленне часу: рэстарацыі, клубы, дыскатэкі».

Напісаць каментар 25

Таксама сачыце за акаўнтамі Charter97.org у сацыяльных сетках