Чаму ў схеме з залогавымі аўто з Расеі ўсіх усё задавальняе

Як зрабіць так, каб пралаз для ашуканцаў закрыўся?

"Выраз, што купля б/у аўтамабіля аналагічная набыццю ката ў мяшку, ужо стала практычна аксіёмай і ў довадах не мае патрэбы. А якія яшчэ патрэбныя дадатковыя довады, калі жыццё іх і так дае?!" - піша выданне abw.by.

"Дастаць гэтага ката з мяшка загадзя практычна немагчыма. Ёсць толькі шанец мімаходам убачыць яго вушы ды хвост, загнаўшы машыну на СТА. Доследны майстар нават праз гэтыя дэталі можа выставіць "дыягназ" аўтамабілю і прыкладна пазначыць, ці заводы "кот", ці ёсць у яго "скочкі" і ці добра "кармілі" папярэднія гаспадары. Але паручыцца за свой вердыкт і даць 100-адсоткавую гарантыю выстаўленаму "дыягназу" не зможа ніхто. На тое яна і "бэушка", што нават сам уладальнік дакладна не ведае, які з вузлоў аўто і як доўга загадае жыць.

Заўважце, гэта мы гаварылі ўсяго толькі пра "жалеза". Цяпер - пра нялюбае, незразумелае і нецікавае. Пра дакументы. Многія аўтамабілісты не звыклі калупацца ў юрыдычных нюансах, успрымаюць іх як другарадныя і часта гатовыя праяўляць нічым не абумоўленую паблажлівасць ў афармленні папер.

Зрэшты, апошняе наша расследаванне паказала, што і ў юрыдычным плане купля б/у аўтамабіля ўсё той жа кот у мяшку. І прынцып тут дзейнічае такі самы: ад памылак ніхто не застрахаваны, але пры жаданні падводныя камяні можна загадзя запрыкмеціць і абысці.

Але ці ёсць такое жаданне ў пакупнікоў?

Пра гэта мы пыталіся нашых чытачоў на мінулым тыдні. Пытанне гучала так: "ці правяралі вы "чысціню" б/у аўтамабіля, перш чым купіць?"

З атрыманых вынікаў можна адразу адставіць у бок 15% адказалі, што яны не купляюць б/у аўтамабіль.

А далей пачынаецца цікавае. Варыянт "Так, усімі магчымымі спосабамі" абралі 29% рэспандэнтаў. Схільныя ўзяцца за праверку яшчэ 12%, "калі толькі ўзнікаюць падазрэнні, што нешта не так".

Купля аўтамабіля ў перакупніка стымулюе вывучыць гісторыю аўто ў 3%, а аўто, якія прыбылі з Расеі, правяраюць 5% апытаных.

Прыкладна столькі ж - 6% - мяркуюць, што ў праверках няма сэнсу. Нельга не прызнаць частковую слушнасць такой пазіцыі: базы, якія змяшчаюць важную для пакупніка інфармацыю, могуць наўмысна ці ненаўмысна абнаўляцца са спазненнем, у аўто можа папросту з'явіцца "двайнік"... Ад ўсяго не застрахуешся, але здаровы сэнс і народная мудрасць усё ж рэкамендуюць не толькі спадзявацца на бога, але і самім не пудлаваць.

А вось 30% удзельнікаў апытання - і гэты варыянт стаў лідарам! - прызналіся, што не бачаць неабходнасці правяраць аўтамабіль на чысціню, калі аўто на беларускім "транзіце", а афармленне адбываецца праз ДАІ.

І вось тут, спадары, крыецца самы вялікі падвох. Праверка ў праваахоўных органах, кантроль VIN-нумару, пастаноўка на ўлік - гэта ў вачах абывацеля як знак якасці: дзяржава гарантуе, дзяржава абараняе. Яно сурова і прынцыпова, і кожны - незалежна ад пасады і статусу - за карыслівыя злачынствы ў дачыненні да дзяржавы садзіцца на лаву падсудных і атрымлівае свой тэрмін.

Але рыторыка дзіўным чынам мяняецца, калі гаворка заходзіць аб маёмасных інтарэсах звычайных грамадзян. Прыклад - справа закладных аўто, пра які мы цяпер так шмат пішам.

Пакупнікі разлічвалі, што праваахоўныя органы, правёўшы праверку і паставіўшы на ўлік прыгнаныя з Расеі машыны, абаранілі іх ПРАВА. Права на ўласнасць. Права на магчымасць укладваць заробленыя грошы ў маёмасць. Права на абарону з боку сваёй дзяржавы.

Дзмітрый Ткачоў, старшы інспектар у вышуку міжраённага рэгістрацыйнага аддзела сталічнай ДАІ, у каментары нашым калегам сказаў, што ў "ДАІ няма такой базы, каб паглядзець аўто на прадмет знаходжання ў закладзе".

Што праўда, то праўда: пэўна ў ДАІ базы закладных аўтамабіляў няма (нягледзячы на тое, што яна знаходзіцца ў адкрытым доступе). Скажам больш: у ДАІ нават няма абавязку высвятляць пра аўто нешта дадатковае, акрамя крымінальнага складніку.

Увогуле, вы ўжо там як-небудзь самі са сваімі правамі і рызыкамі. І са сваімі аўто.

Сумленна гэта? Справядліва? Адзіны выхад у гэтым выпадку - прыцягваць нячыстых на руку прадаўцоў да адказнасці, гэта значыць абараняць інтарэсы тых, хто ўжо пацярпеў.

Дзясяткі людзей даведаліся пра падман і замерлі ў чаканні свайго лёсу, але пакуль зусім нічога не адбылося. Многія аўто стаяць на рынку. Ашуканцы робяць грошы. Новыя іх ахвяры прыбываюць і будуць прыбываць. Банкі Расеі, якiя выдалі крэдыты валацугам з несапраўднымі дакументамі, упэўненыя, што атрымаюць свае аўто назад. Дзяржаўныя органы ні ў чым не вінаватыя.

Але мы шчыра спадзяемся на тое, што дзякуючы нашым публікацыях як мінімум многія навучацца правяраць аўтамабіль, перш чым купіць і не трапяць у непрыемныя сітуацыі, як максімум - закон будзе скарэктаваны так, каб пралаз для злачынцаў закрыўся раз і назаўсёды".