Замежныя інвестары ўсё хутчэй выводзяць грошы з Беларусі

Парадаксальная сітуацыя склалася ў беларускай банкаўскай сістэме.

З аднаго боку, чыноўнікі ледзь не хорам кажуць, што краіна мае патрэбу ў замежных інвестыцыях, з другога, нерэзідэнты Беларусі ўсё больш актыўна забіраюць свае сродкі з беларускіх банкаў.

Так, у кастрычніку сума сродкаў, прыцягнутых беларускімі банкамі ў нерэзідэнтаў у замежнай валюце, знізіўся на 356,5 млн USD і склала на 1 лістапада 4 521,9 млн USD. А за год, у параўнанні з 1 лістапада 2016 года гэты параметр скараціўся на 1 713,2 млн USD, гэта значыць на 27,5%, крыху больш чым на чвэрць, піша select.by.

Прычынай вываду сродкаў нерэзідэнтаў з беларускіх банкаў стала, відавочна, не столькі патрэба нерэзідэнтаў у валюце, колькі адсутнасць магчымасці выгаднага размяшчэння валютных рэсурсаў у Беларусі.

Пры гэтым рэзідэнты Беларусі адмаўляцца ад сваіх валютных ашчадкаў не спяшаюцца, нягледзячы на значнае перавышэнне ставак у рублёвых дэпазітах над стаўкамі ў валютных, а таксама адносную ўстойлівасць курсу беларускага рубля.

Так, сума сродкаў, прыцягнутых банкамі ад рэзідэнтаў у замежнай валюце, у кастрычніку вырасла ў параўнанні з вераснем на 151,7 млн USD і склала 13 717,9 млн USD. А за год гэты параметр павялічыўся на 230,9 млн USD.

Агулам валютныя пасівы беларускіх банкаў у кастрычніку скараціліся. Іх зніжэнне было збольшага кампенсаванае ростам пасіваў у беларускіх рублях. У кастрычніку яны павялічыліся ў параўнанні з вераснем на 349,7 млн BYN і дасягнулі 27 752,5 млн BYN.

Пры гэтым сумарная сума сродкаў, прыцягнутых банкамі ад насельніцтва і прадпрыемстваў, скарацілася. Сума сродкаў фізічных асоб знізілася ў параўнанні з вераснем на 154,2 млн BYN - да 21 533,8 млн BYN. А сума сродкаў суб'ектаў гаспадарання вырасла, але не нашмат: на 59,5 млн BYN - да 14 380,9 млн BYN.

Рост велічыні пасіваў беларускіх банкаў у кастрычніку забяспечыў органы дзяржаўнага кіравання і іншыя дэпазітныя арганізацыі. Сума сродкаў, прыцягнутых банкамі ад іх, у кастрычніку павялічылася адпаведна на 405,4 млн BYN і 326,3 млн BYN (да 5 687,9 млн BYN і 1 751,9 млн BYN адпаведна).

Нацбанк пры гэтым суму сваіх сродкаў у беларускіх камерцыйных банках скараціў на 28,7 млн BYN - да 139 млн BYN. А ўласны капітал банкаў павялічыўся, але не нашмат: на 64,5 млн BYN - да 9 522,7 млн BYN.