«Боская рука»: Амерыканскія F-35 будуць збіваць ядзерныя ракеты

Спецыяльна для F-35 распрацаваны цэлы шэраг унікальных высокатэхналагічных інструментаў.

Уявіце сабе, што праз некалькі секунд пасля таго, як 28 лістапада міжкантынентальная балістычная ракета (МБР) КНДР Хвансонг-15 адарвалася ад зямлі, найноўшы знішчальнік-«невідзімка» F-35, узброены чатырма ракетамі «паветра-паветра» AIM-120 (Advanced Medium-Range Air-to-Air Missiles, Amraams), запусціў бы іх па паўночнакарэйскаму набою і знішчыў яго.

Гэта зусім не абстрактная канцэпцыя або маркетынгавы выкрут. Гаворка ідзе пра адзін з актуальных варыянтаў нейтралізацыі паўночнакарэйскай ядзернай праграмы, якая развіваецца ўзмоцненымі тэмпамі: менавіта так Мінабароны ЗША магло б здзяйсняць «кінетычны» перахоп паўночнакарэйскіх і іранскіх ракет, і цяпер амерыканскія ВПС рыхтуюць пілотаў F-35 да выканання згаданай вышэй місіі. Пра гэта распавядаецца ў артыкуле Aviationweek, пераклад якога выклаў Newsader.

Гэтая канцэпцыя ўпершыню была апублікаваная ў пачатку лістапада чальцом Палаты прадстаўнікоў Дунканам Хантэрам. Падчас выступу на мерапрыемстве, арганізаваным «Альянсам за супрацьракетную абарону», кангрэсмен заявіў, што F-35 павінны выкарыстоўвацца для таго, каб паспяваць паражаць ядзерныя ракеты на пачатковых этапах палёту - гэта значыць, перш, чым тыя будуць сыходзіць за межы атмасферы. З ягоных слоў, F-35 здолее зрабіць гэта, нават не ўваходзячы ў паветраную прастору КНДР і Ірана: дыяпазон ракет AIM-120D дазваляе развязваць адпаведныя задачы.

«Гэта падобна на боскае ўмяшанне, - абвясціў Хантэр. - У вас ёсць F-35, у вас ёсць Amraams, і вы можаце ліквідаваць гэтыя штукі проста на старце».

У сваю чаргу Том Лоўхэд, які ўзначальвае Управу ВПС ЗША ў інтэграцыі праграмы F-35, распавёў, што кампанія Northrop Grumman ужо цягам некалькіх гадоў тэстуе гэтыя стэлс-самалёты на здольнасць выяўляць і адсочваць балістычныя ракеты.

Тут трэба адзначыць, што адмыслова для F-35 кампанія распрацавала цэлы шэраг унікальных высокатэхналагічных інструментаў, якія не маюць аналагаў у свеце.

Па-першае, гэта AAQ-37 - Сістэма палепшанай візуалізацыі з размеркаванай апертурай (Distributed Aperture System, DAS), якая з'яўляецца сукупнасцю высокаадчувальных электрааптычных/інфрачырвоных датчыкаў: шэсць сэнсараў усталёўваюцца на планёры такім чынам, што забяспечваюць пілоту сталы поўны сферычны агляд, дзякуючы чаму лётчыку не патрабуецца кожны раз перамыкаць гэтыя «электронныя вочы» на той ці іншы кірунак. Эфект асабліва яскрава праяўляецца ў сітуацыі, калі пілот надзявае адмысловы шлем F-35, які дазваляе аператару бачыць як бы «скрозь» самалёт.

Па-другое, гэта актыўны электронны сканавальны радар APG-81 - вынаходніцтва, якое, як мяркуюць экспэрты «Вайсковага агляду», цалкам зможа прэтэндаваць на Нобелеўскую прэмію ў фізіцы: пры вельмі сціплых габарытах і невысокім энэргаспажыванні яго здольнасць адрозніваць такая, што «са стратасферы вышынь «ён» дазваляе адрозніць танк ад БМП». «Стваральнікі APG-81 незразумелым чынам здолелі дамагчыся мінімальнага дазволу на мясцовасці ў межах 30х30 сантыметраў» - падкрэслівае выданне.

Па-трэцяе, гаворка ідзе пра інвестыцыі Northrop Grumman у праграмныя развязанні ў супрацьдзеянні варожай супрацьракетнай абароне.

У кастрычніку 2014 года кампанія правяла эксперыменты, падчас якіх высветліла, што ўсталяваная на F-35 сістэма DAS здольная адсочваць варожыя МБР і дапамагаць наводзіць на іх супрацьракеты такіх сістэм, як THAAD (разгорнутая ў Паўднёвай Карэі) і Aegis («Іджыс» - сістэма ПРА марскога базавання).

У 2016 годзе быў праведзены новы тэст, падчас якога F-35 дапамог амерыканскай ПРА «Іджыс» знішчыць мэту: самалёт засек аэрадынамічную мішэнь за гарызонтам і далажыў пра гэта на наземную РЛС, адкуль сігнал быў перададзены караблю-ракетаносцу, які затым ліквідаваў аб'ект з дапамогай стандартызаванай ракеты SM-6. Пра гэта паведамляла раней «Радыё Свабода» са спасылкай на кампанію-распрацоўшчыцу Lockheed Martin.

«Новы самалёт паказаў, што, дзейнічаючы скаардынавана з іншымі сістэмамі ўзбраенняў, у стане без адзінага стрэлу нейтралізаваць шырокі комплекс сродкаў блакавання доступу ў патэнцыйныя раёны ваенных дзеянняў, уключаючы паветрана-касмічныя, якія Расея разгортвае ва Усходняй Еўропе і на Блізкім Усходзе, а КНР - у Паўднёва-Кітайскім і Усходне-Кітайскім морах, дзе яны пагражаюць амерыканскім авіяносным злучэнням», - гаварылася ў матэрыяле выдання.

У рамках гэтага выпрабавання F-35 паказаў, што дзякуючы спецыяльным датчыкам здольны дапамагаць карабельнай супрацьракетнай абароны адсочваць пагрозы, якія ўзнікаюць за гарызонтам, і тым самым узмацняць магчымасці гэтай супрацьракетнай абароны.

Амерыканскія вайскоўцы заявілі тады, што F-35 адчувальна павялічвае дыстанцыю эфектыўнага выяўлення, распазнавання і паразы паветраных і надводных мэтаў ракетнымі комплексамі, якія знаходзяцца на ўзбраенні вайскова-марскога флоту.

У прэс-рэлізе Lockheed Martin было падкрэслена, што F-35 прадэманстраваў свае магчымасці для інтэграцыі з іншымі сістэмамі, давёўшы сваю асаблівую ўласцівасць - памнажаць моц усіх дзейных баявых элементаў дзякуючы аб'яднанню сваіх уласных высокатэхналагічных рэсурсаў з рэсурсамі вонкавых інструментаў.

«[Супольная] дэманстрацыя F-35 і Aegis Weapon System дазваляе нам яшчэ на адзін крок наблізіцца да ўсведамлення праўдзівага патэнцыялу і магутнасці гэтых складаных сістэм», - заявіў тады выканаўчы віцэ-прэзідэнт Lockheed Martin Дэйл Бэнэт.

Пабочным жа - і вельмі важным - эксперыментальным вынікам стала разуменне таго, што ракеты класа «паветра-паветра» тыпу Amraam цалкам здольныя перахопліваць балістычныя набоі патэнцыйнага праціўніка.

Лоўхед адзначыў, што для атрымання больш дакладных звестак спатрэбіцца правесці дадатковыя даследаванні, аднак ужо цяпер зразумела, што патэнцыял F-35, накіраваны на ліквідацыю варожых ракет, будзе рэалізаваны цягам найбліжэйшых трох гадоў. Са слоў Лоўхеда, ВПС навучыць аператыўныя эскадрыллі F-35 праводзіць такія місіі: пілоты навучацца знішчаць ракеты проста на ўзлёце. Менавіта гэтыя задачы «глыбокага пранікнення» стануць «хлебам» для F-35, упэўнены прадстаўнік Northrop.

Раней неаднаразова пісалася пра тое, што дзякуючы стэлс-тэхналогіі F-35 зможа пранікаць у шчыльныя пласты варожай супрацьракетнай абароны для выканання місій і вяртацца дадому непашкоджаным.

Тым часам Хантэр, які засядае ў падкамітэце стратэгічных сіл узброеных сіл, абвясціў, што офіс разам з лабараторыямі ў Лос-Аламасе і Ліверморы працуе над «дарожнай мапай» праграмы, якая дазволіць ракетам AIM-120, усталяваным на F-35, выкарыстоўвацца ў якасці супрацьракетнай абароны. Наяўная на самалёце DAS першапачаткова прызначалася для выяўлення ракетнага і артылерыйскага агню, а таксама іншых варожых контрзахадаў, аднак цяпер стала зразумела, што тэхналогія мае значна больш сфер выкарыстання.