21 красавiка 2019, Нядзеля, 12:15
За нашу і вашу свабоду!
Рубрыкі

«Арсенал» распляжыў «БАТЭ» - 6:0

54
ФОТА: REUTERS

Галоўны трэнер лонданскага клуба нават не выстаўляў на матч лідараў каманды.

У апошнім матчы групавога этапу Лігі Еўропы барысаўскі БАТЭ саступіў у гасцях лонданскаму «Арсеналу» з лікам 0:6, паведамляе tut.by.

Галоўны трэнер «кананіраў» Арсен Венгер не заявіў на матч лідараў каманды, але і рэзервісты правялі выдатную сустрэчу. Гаспадары валодалі значнай перавагай і эфектыўна выкарысталі свае моманты.

На 11-й хвіліне Дзебюшы дакладным ударам з кута штрафной адкрыў лік. Пасля гэтага Уолкат скарыстаўся памылкамі гасцей і расстраляў браму БАТЭ з блізкай адлегласці.

ФОТА: REUTERS

Апошні гол тайма на 43-й хвіліне забіў Уілшэр, прыгожа прабіўшы з развароту - 3:0.

Вельмі няўдала пачалася для барысаўцаў і другая палова гульні. У самым яе пачатку, спрабуючы перапыніць прастрэл з правага флангу, Дзяніс Палякоў нанёс неадхільны ўдар пад перакладзіну сваёй брамы.

Пляга прадоўжыўся на 64-й хвіліне. Аліўе Жыру рэалізаваў пенальці пасля фолу Мілуновіча.

Закончыў жа лупцоўку барысаўцаў егіпецкі паўабаронца Эль-Нэні, раскошным ударам у адзін дотык даслаўшы мяч у далёкі кут брамы Шчарбіцкага - 6:0.

«Арсенал»: Аспіна, Дзебюшы, Холдынг, Чэмберс, Мэйтленд-Найлз, Каклен, Эльнэні (Уілак, 77), Уілшэр, Уолкат (к) (Нэлсан, 71), Жыру, Уэлбэк (Нкеція, 77).

БАТЭ: Шчарбіцкі, Рыас, Палякоў, Мілуновіч, М. Валадзько, Бярэзкін, Драгун, Гардзяйчук, Іваніч (Яблонскі, 76), Стасевіч (Туомінэн, 69), Радзівонаў (к) (Сігневіч, 56).

У іншым матчы «Црвена Звезда» падолела «Кёльн» - 1:0. Такім чынам, у плэй-оф выйшлі «Арсенал» і «Црвена Звезда», а БАТЭ размясціўся на апошнім радку ў групе.

ФОТА: REUTERS