29 сакавiка 2024, Пятніца, 15:04
Падтрымайце
сайт
Сім сім,
Хартыя 97!
Рубрыкі

На наступным тыдні «патрыёты» пачнуць знаёміцца са сваімі справамі

4
На наступным тыдні «патрыёты» пачнуць знаёміцца са сваімі справамі

Праз вялікую колькасць «патрыётаў» знаёміцца са сваімі справамі яны яшчэ не пачалі.

30 лістапада старшыня Следчага камітэта Іван Наскевіч паведаміў, што крымінальны пераслед абвінавачаных у справе «Белага легіёну» спынены, а сама справа перададзеная ў пракуратуру. Як стала вядома «Еўрарадыё», усе, хто праходзіў па гэтай справе, атрымалі позву ад следчага - забраць свае рэчы і азнаёміцца са справай.

Са слоў Алеся Яўдахі, праз вялікую колькасць фігурантаў знаёміцца са сваімі справамі яны яшчэ не пачалі. Яму следчы прызначыў «чаргу на азнаямленне са справай» на 12 снежня. Толькі 14 снежня пачне знаёміцца са сваёй справай былы кіраўнік «Белага легіёну» Міраслаў Лазоўскі.

Лазоўскі: «Мне прызначана на чацвер. Справа ў тым, што там (у следчым камітэце. - Заўвага.) адзін чалавек гэтым займаецца. Ён сказаў, што бягучы тыдзень ён адвёў на тое, каб людзі прыйшлі і нейкія свае рэчы забралі. А з наступнага тыдня запісваюць на азнаямленне са справай».

Тым не менш, ужо вядома, што на былога фігуранта справы аб падрыхтоўцы масавых беспарадкаў Андрэя Бяляўскага распачатая крымінальная справа паводле артыкула «незаконнае захоўванне агнястрэльнай зброі, боепрыпасаў і гэтак далей». Падчас ператрусу пры затрыманні ў яго знайшлі патрон. У багажніку машыны Міраслава Лазоўскага нібыта таксама знайшлі аўтамат. Ці будзе яму перакваліфікаванае абвінавачванне, Лазоўскі не ведае.

Лазоўскі: «Што і як там - я дакладна не ведаю. Хутчэй за ўсё, калі я пачну знаёміцца з матэрыяламі справы, я нешта змагу дакладна высветліць. Бо, натуральна, ніхто там каментары і адказы не дае».

Лазоўскі не верыць, што для яго гэтая гісторыя з аўтаматам, які ён у машыну, паводле яго слоў, не клаў, проста так не скончыцца.

Нагадаем, за краты па справе «Белага легіёну» трапілі 35 чалавек. Іх абвінавачвалі ў «падрыхтоўцы масавых беспарадкаў». Праз некалькі тыдняў маладафронтаўцаў вызвалілі, а яшчэ 20 чалавек (большасць - былыя сябры арганізацыі «Белы легіён») пачалі вінаваціць у «стварэнні незаконнага ўзброенага фармавання».

Напісаць каментар 4

Таксама сачыце за акаўнтамі Charter97.org у сацыяльных сетках