БЧ мяняе графік руху цягнікоў
1- 9.12.2017, 13:14
- 25,435
Новы расклад уводзіцца з 00.00 гадзін 10 снежня.
Дзейнічаць ён будзе цягам года.
У міжнародны графік руху цягнікоў на 2017/2018 год прадугледжаны наступныя змены.
Рэгулярнае транспартнае злучэнне паміж Менскам і Вільняй з 10 снежня будзе забяспечвацца электрацягнікамі як фармаванымі Беларускай чыгункай, так і фармаванныя Літоўскай чыгункай. Без змены часу знаходжання ў дарозе (2 гадзіны 30 хвілін) памежныя і мытныя кантролі з цягнікамі № 805/806 і № 804/807 у злучэнні Менск-Вільня будуць праводзіцца на станцыі Гудагай.
Супольна з Польскай чыгунка арганізавана штодзённае перасадачнага злучэнне Менск-Берасце-Варшава, якое звяжа сталіцы дзвюх суседніх дзяржаў - Беларусі і Польшчы. Расклад новых цягнікоў №127/128 Берасце-Варшава-Берасце і №728/727 Берасце-Менск-Берасце ўзгоднена паводле часу для перасадкі пасажыраў на станцыі Берасце-Цэнтральнае пры руху ў абодва кірункі. Памежныя і мытныя аперацыі ў цягніку Польскіх чыгунак будуць праводзіцца на станцыі Берасце-Цэнтральнае, пры гэтым пасажырам трэба перайсці з цягніка ў цягнік, якія знаходзяцца на суседніх рэйках ля адной платформы.
З улікам попыту на перавозкі ў летні перыяд 2018 года прадугледжаны цягнік №451/452 Менск-Варна. Перыядычнасць гэтага цягніка павялічаная з 8 да 16 рэйсаў.
З Менска цягнік будзе адпраўляцца 10, 15, 22, 27 чэрвеня, 04, 09, 16, 21, 28 ліпеня, 02, 09, 14, 21, 26 жніўня, 02,07 верасня, у зваротным кірунку з Варны цягнік будзе адпраўляцца 12, 17, 24, 29 чэрвеня, 06, 11, 18, 23, 30 ліпеня, 04, 11, 16, 23, 28 жніўня і 04, 09 верасня.
У летні перыяд штодня будзе ездзіць цягнік №94/93 Менск-Адэса, а таксама прадугледжана штодзённае злучэнне паміж Менскам і Херсонам, Менскам і Бярдзянскам за кошт арганізацыі бесперасадачных вагонаў.
Для ўстанаўлення рэгулярнага круглагадовага чыгуначнага злучэння паміж Менскам і Кішынёвам арганізаванае курсаванне бесперасадачных вагонаў фармавання Беларускай чыгункі.
У рэгіянальным паведамленні прадугледжваецца пашырэнне маршрутнай сеткі цягнікоў бізнэс-класа за кошт уводу ў абарачэнне цягнікоў Менск-Полацк-Менск і Менск-Ліда-Менск.
Таксама аптымізаваная схема абслугоўвання адцінкаў Менск-Маладзечна-Гудагай за кошт падаўжэння маршрутаў электрацягнікоў Менск-Маладзечна да Гудагая і станцый адцінку Маладзечна-Гудагай. Пасажыры, якія едуць у гэтым кірунку, змогуць штодня ажыццяўляць свае паездкі без перасадкі на станцыі Маладзечна.
Больш падрабязна з раскладам руху цягнікоў можна азнаёміцца ў чыгуначных касах, праз тэлефоны даведачных службаў, а таксама на сайце Беларускай чыгункі.