Пратэстоўцы атачылі Ісакіеўскі сабор
10- 12.02.2017, 17:14
- 34,568
Да гэтага вакол сабора правялі хросны ход.
У Санкт-Пецярбургу пратэстоўцы ўсталі вакол Ісакіеўскага сабора. У акцыі пратэсту супраць перадачы сабора пад кіраванне РПЦ удзельнічаюць блізу паўтары тысячы чалавек, паведамляе «Фонтанка».
Пратэстоўцы патрабуюць адстаўкі губернатара горада Георгія Палтаўчанкі і скандуюць «Музей, музей, Пецярбург, Пецярбург!». Яны таксама вадзілі карагод.
Раніцай 12 лютага вакол Ісакіеўскага сабора правялі хросны ход. У ім удзельнічалі ад пяцiсот (адзнака «Фонтанкі») да шасці тысяч (адзнака епархіі) чалавек. Шэсце ўзначальвалі ключнік сабора, протаіерэй Аляксій Ісаеў і дэпутат Дзярждумы Віталь Мілонаў, які раней збіраўся зладзіць 10-тысячны хросны ход, але не атрымаў на гэта блаславення.
Губернатар Санкт-Пецярбурга Георгій Палтаўчанка загадаў перадаць сабор пад кіраванне РПЦ. У горадзе ўжо некалькі разоў ладзілі пратэсты супраць гэтага.