29 сакавiка 2024, Пятніца, 17:53
Падтрымайце
сайт
Сім сім,
Хартыя 97!
Рубрыкі

РІА «Новости»: Беларусы патрабуюць вярнуць свабодныя і сумленныя выбары

11
РІА «Новости»: Беларусы патрабуюць вярнуць свабодныя і сумленныя выбары
ФОТА: «РАДЫЁ СВАБОДА»

Пра Маршы абураных беларусаў паведамілі практычна ўсе расейскія інфармацыйныя сайты, у тым ліку галоўнае агенцтва – РІА Новости.

Удзельнікі "Маршу абураных беларусаў", арганізаванага ў Менску прадстаўнікамі беларускай апазіцыі, прынялі рэзалюцыю з патрабаваннямі да ўладаў, яны заклікаюць скасаваць дэкрэт "аб дармаедах", піша РІА Новости.

Блізу тысячы чалавек (напраўду некалькі тысяч – заўв. Charter97.org) сабраліся на Кастрычніцкай плошчы.

Яны прынялі рэзалюцыю з патрабаваннямі да уладаў, якую зачытаў адзін з арганізатараў акцыі — кандыдат у прэзідэнты на выбарах 2010 года Мікалай Статкевіч. Дакумент змяшчае патрабаванні скасаваць дэкрэт "аб дармаедах", спыніць падвышэнне пенсійнага ўзросту і тарыфаў ЖКГ, а таксама "вярнуць свабодныя і сумленныя выбары".

Рэзалюцыя ўтрымлівае заклік да ўлады пачаць перамовы, і, калі да 17 сакавіка не будуць зробленыя крокі для выканання выкладзеных у рэзалюцыі патрабаванняў, удзельнікі акцыі, згодна з дакументам, пакідаюць за сабой права на далейшыя "калектыўныя дзеянні". Акрамя таго, былі выбраныя чатыры чалавекі з прадстаўнікоў апазіцыйных лідараў для перамоў з уладай.

Удзельнікі маршу рухаліся з паходняй, плакатамі і расцяжкамі, пад музыку з пераносных калонак, з бел-чырвона-белымі сцягамі па праспекце Незалежнасці ў бок міністэрства падаткаў і збораў. Людзі крычалі лозунгі "Жыве Беларусь", а таксама "Салідарнасць", "Не дэкрэту нумар тры".

За акцыяй назіраюць супрацоўнікі міліцыі, у тым ліку ў цывільным, яны не перашкаджалі правядзенню акцыі, але не дазволілі ўдзельнікам маршу выйсці на праезную частку падчас руху.

У красавіку 2015 года Аляксандр Лукашэнка падпісаў так званы дэкрэт "аб дармаедах", у адпаведнасці з якім працаздольныя жыхары краіны, якія не працуюць і не плацяць падаткаў больш за паўгода, павінны штогод выплачваць збор сумай 20 базавых адзінак (больш за 200 даляраў). Нявыплата або няпоўная выплата падатку цягнуць за сабой штраф або адміністрацыйны арышт з абавязковым прыцягненнем да грамадскіх прац. Тэрмін выплаты гэтага падатку заканчваецца 20 лютага.

Паводле звестак міністэрства падаткаў і збораў, пакуль толькі блізу10% беларусаў, якім даслалі паведамленні аб выплаце "падатку на дармаедства", заплацілі гэты збор. Усяго паведамленняў аб выплаце падатку атрымалі больш за 470 тысяч грамадзян Беларусі.

Напісаць каментар 11

Таксама сачыце за акаўнтамі Charter97.org у сацыяльных сетках