Экіпаж МКС сабраў першы касмічны ўраджай капусты

Праект вырошчвання гародніны на арбіце закліканы разнастаіць дыету экіпажа.

Экіпаж МКС сабраў першы ўраджай кітайскай капусты на арбіце, паведаміла NASA ў пятніцу, інфармуе РІА Навіны.

Збор ураджаю з шасці невялікіх кусцікаў капусты з некалькімі лісточкамі кожны правяла борт-інжынерка Пэгі Уітсан, якая пасля прыбыцця на станцыю акрамя іншых справаў сачыла за "агародам". Як адзначаюць у NASA, экіпажу дадуць паспытаць расліны, але большая частка сабранага ўраджаю будзе скіраваная на Зямлю для наступнага вывучэння.

Насенне кітайскай капусты Токіа Бекана (Tokyo Bekana) прыбыла на МКС летась у красавіку. Першапачаткова адно з шасці зернетак ніяк не прарастала, верагодна праз тое, што не атрымлівала дастатковую колькасць вільгаці, але, як адзначылі кіраўнікі праекта, Уітсан дамаглася таго, каб і яно ўзышло.

Праект вырошчвання гародніны на арбіце закліканы разнастаіць дыету экіпажа ў будучыні і падрыхтавацца да больш доўгіх і аўтаномных місіяў, у тым ліку да палётаў на Марс. Як адзначаюць у NASA, гэта ўжо пяты збор ураджаю рознай гародніны на арбіце. Пры адборы культураў для адпраўкі на МКС NASA кіруецца, перш за ўсё, магчымасцю ўжываць восенню гародніну ў сырым выглядзе, а таксама яе пажыўнымі ўласцівасцямі.

Год таму астранаўт NASA Скот Кэлі паведаміў, што на борце МКС першы раз распусцілася кветка астры-цыніі.