Сярэдні клас у Расеі перайшоў з віскі на гарэлку
16- 18.02.2017, 20:14
- 11,196
Расейцы ўжо не ў стане сябе папесціць элітным алкаголем.
Расейскі сярэдні клас у крызіс скараціў спажыванне дарагога алкаголю і перайшоў з віскі на гарэлку. Пра гэта Rambler News Service паведаміла кіраўніца дырэктар кампаніі Diageo ў Расеі Святлана Навумава ў суботу, 18 лютага, піша lenta.ru.
«У 2015-м і пачатку 2016 пацярпеў аб’ёмастваральны сегмент недарагога імпартнага віскі. І гэта лагічна, бо ён рос за кошт тых пакупнікоў, па якіх крызіс ударыў у першую чаргу, прымусіўшы іх пераключыцца на больш танны і традыцыйны для Расеі алкаголь - гарэлку і брэндзі, або скараціць спажыванне прэміяльнага алкаголю, які стаў для іх дарагім», - адзначыла яна.
Паводле звестак Diageo, прыкладна 85 адсоткаў расейскага рынка моцнага спіртнога прыпадае на гарэлку. «Калі мы знаходзіліся ў фазе эканамічнага росту, мы назіралі сярод расейскіх спажыўцоў зусім выразную тэндэнцыю на пераключэнне з гарэлкі ў катэгорыю віскі і ромаў», - дадала Навумава.
Адзначаецца, што крызіс не ўплывае на спажыўцоў прадуктаў брэндаў люкс.
Кампанія Diageo вырабляе спіртныя напоі пад такімі брэндамі, як Johnnie Walker, Smirnoff, Baileys, Capitan Morgan, J&B, White Horse.