У Беларусі зладзілі маштабную праверку дзяжурных сіл СПА
7- 2.02.2017, 17:16
- 33,563
Да праверкі прыцягваліся больш за дзесяць лятальных апаратаў.
2 лютага ў рамках праверкі баявой гатоўнасці Узброеных сіл праведзена маштабная праверка дзеянняў дзяжурных сіл супрацьпаветранай абароны палётамі кантрольных цэляў, паведамляе Міністэрства абароны Беларусі.
У якасці кантрольных цэляў для праверкі прыцягваліся больш за дзесяць лятальных апаратаў, якія дзейнічалі на розных вышынях — ад сярэдніх да гранічна малых.
У выніку дзеянняў дзяжурных сіл былі паспяхова праведзены абстрэлы і выкананы перахопы кантрольных цэляў разлікамі зенітных ракетных падраздзяленняў і экіпажамі знішчальнай авіяцыі.
Найбольшую выніковасць паказалі разлікі зенітных ракетных комплексаў "Тор-М2", С-300ПС, якія дзейнічалі з новых пазіцыйных раёнаў.
Асаблівасцю працы з кантрольнымі цэлямі было яе выкананне ў складаных метэаралагічных варунках.
У рамках нарошчвання маштабу праверкі 2 лютага атрымалі распараджэнне на прывядзенне ў вышэйшыя ступені баявой гатоўнасці асобныя вайсковыя часці і падраздзяленні Берасцейскага гарнізона.