Беларускі хакеіст набірае ў ЗША балы ў 11 матчах запар

Сцяпан Фалькоўскі з'яўляецца самым выніковым абаронцам лігі.

«Адзірандак» на выездзе ўпэўнена падолеў «Паўднёвую Караліну» ў чарговым матчы ECHL - 5:2. У складзе пераможцаў шайбу закінуў беларускі абаронца Сцяпан Фалькоўскі, які скончыў сустрэчу з паказчыкам карыснасці «+3». Ягоны аднаклубнік Раман Дзюкаў не трапіў у заяўку «Адзірандака», піша pressball.by.

У гэтым сезоне Фалькоўскі набраў 26 (17+9) балаў у 42 гульнях пры паказчыку карыснасці «+1» і 20 хвілінах штрафнога часу.

Паўднёвая Караліна - Адзірандак - 2:5 (1:0, 2:1, 2:1)