Беларускія каталікі здзейсняць пілігрымку ў Грузію
1- 20.02.2017, 20:43
- 50,700
Паломніцтва ў гэтую краіну, да месца ранняга хрысціянства, пройдзе 13-20 траўня.
Новым маршрутам паломніцкага бюро «Каталіцкі пілігрым» пры Канферэнцыі каталіцкіх біскупаў у Беларусі стала Грузія. Паломніцтва ў гэтую краіну, да месца ранняга хрысціянства, пройдзе 13-20 траўня, паведамляе БелТА са спасылкай на афіцыйны сайт Рымска-каталіцкай царквы ў Беларусі.
Малітоўнае падарожжа ўключае наведванне наступных месцаў: Тбілісі, Мцхета, Баржомі, цытадэль Анануры, Ахалцыхе, Вардзія, Кахеція, Кварэлі.
Удзельнікі пілігрымкі даведаюцца, які з грузінскіх гарадоў называюць другім Ерусалімам, пазнаёмяцца з шэрагам аб'ектаў, якія прэтэндуюць на ўключэнне ў Спіс сусветнай спадчыны ЮНЕСКА, а таксама наведаюць шэраг сакральных храмаў і манастыроў.
Грузія стала восьмай краінай пасля Арменіі, Ізраіля, Італіі, Літвы, Партугаліі, Польшчы і Францыі, у якую праводзіць малітоўныя падарожжы «Каталіцкі пілігрым».