New York Post назваў прычыну смерці Віталя Чуркіна
- 20.02.2017, 21:01
- 19,933
Сталы прадстаўнік Расеі пры ААН памёр праз сэрцавы прыступ.
Пра гэта паведамляе «Дождж» са спасылкай на New York Post.
Паводле звестак крыніц выдання, Чуркін знаходзіўся ў будынку сталага прадстаўніцтва Расеі пры ААН на 67-й вуліцы ў Нью-Ёрку, калі ў яго здарыліся праблемы з сэрцам. Са звестак выдання, яму стала дрэнна пад 9.30 раніцы паводле амерыканскага часу.
Чуркін быў у непрытомным стане, яму была патрэбная сэрцава-лёгачная рэанімацыя, піша New York Post. Аб ягонай смерці абвясцілі на пасяджэнні ў ААН.