Правал Пуціна ў Чарнагорыі
4- 21.02.2017, 14:27
- 12,423
Крамлёўская змова на Балканах мела вялікія мэты.
«З'яўляецца ўсё больш сведчанняў на карысць таго, што Масква паспрабавала арганізаваць пераварот у Чарнагорыі мінулай восенню, каб не даць малюсенькай балканскай дзяржаве ўступіць у NATO, - гаворыцца ў рэдакцыйным артыкуле The Wall Street Journal (пераклад - inopressa.ru). Са слоў выдання, «удзел Расіі ў змове наводзіць на думку, што цяпер Крэмль гатовы пранікнуць углыб Еўропы, каб паўплываць на вынікі выбараў у выгадным Пуціну кірунку».
Пракурор Чарнагорыі Мілівое Катніч распавёў журналістам у нядзелю ўвечары пра тое, што «расейскія дзяржаўныя ўстановы былі ўцягнутыя ключавым чынам» у спробу перавароту.
«У меркаваным перавароце, - гаворыцца ў артыкуле, - удзельнічала блізу двух тузінаў расейцаў, сербаў і грамадзян Чарнагорыі, якія планавалі забіць Міла Джуканавіча - на той момант прэм'ер-міністра [краіны] - і прывесці да ўлады антынатаўскую кааліцыю ў дзень выбараў, 16 кастрычніка».
«У лістападзе Чарнагорыя ідэнтыфікавала двух грамадзян Расеі, Эдуарда Шырокава і Уладзіміра Папова, як меркаваных арганізатараў змовы, - піша газета. - Аднак Катніч цяпер прыйшоў да высновы аб тым, што «Шырокаў» - гэта кодавае імя, якое выкарыстаў Эдуард Шышмакоў, былы расейскі дыпламат». Са слоў спецыяльнага пракурора, Шышмакоў праінструктаваў аднаго з будучых путчыстаў, які цяпер супрацоўнічае са следствам, «працаваць перш за ўсё з мэтай прадухілення ўступлення Чарнагорыі ў NATO».
Як паведамляе выданне, «заява Катніча была зробленая адначасова з публікацыяй артыкула ў The Sunday Times, дзе сцвярджалася, што высокапастаўленыя чыноўнікі ва ўрадзе Вялікай Брытаніі таксама прыйшлі да высновы, што змова падтрымліваўся Масквой».
На думку газеты, «адміністрацыя Трампа паступіла б мудра, падтрымаўшы кандыдатуру Чарнагорыі на ўступленне ў NATO, каб, прынамсі, даць зразумець, што Вашынгтон не будзе мірыцца з такім нахабным умяшаннем у заходнюю палітыку».