Павел Севярынец: 25 сакавіка кожны павінен адкласці свае справы і выйсці на Плошчу
35- 21.02.2017, 15:25
- 15,795
Рэжым збанкрутаваў і неабходна браць уладу ў свае рукі.
Пра гэта ў інтэрв'ю Charter97.org заявіў сустаршыня аргкамітэта для стварэння партыі Беларуская хрысціянская дэмакратыя Павел Севярынец:
- 25 сакавіка гэтае Дзень Волі, а «воля» ў беларускай мове азначае «свабоду» і «рашучасць». Прыйшоў час, каб беларусы выйшлі і прадэманстравалі сваю рашучасць у змаганні за свабоду. Асабліва цяпер, калі стала зразумела, што рэжым збанкрутаваў і не прыслухоўваецца да сваіх грамадзянаў.
Беларусы павінны браць уладу ў свае рукі. Таму на Дзень Волі кожны беларус павінен адкласці свае справы і выйсці на Плошчу.
Што тычыцца мінулых акцый, хачу сказаць наступнае, узровень абурэння беларусаў дасягнуў такога ўзроўню, што дома яны сядзець не будуць. Менск - безумоўна важны, ён ключавы. Людзей на вуліцы выходзіць столькі, што можна казаць пра агульнанацыянальны пратэст.
Беларусам хачу сказаць: Бог даў нам гэтую краіну, не нейкім прышлым людзям, без краіны і сцяга і ўжо тым больш не акупантам. Таму ў Дзень Волі нам усім трэба ўспомніць, што воля у кожнага з нас у сэрцы і выйсці на плошчу.