Расейца, які сарваў прэс-канферэнцыю Сайдзіка ў Менску, дэпартавалі з Беларусі
12- 21.02.2017, 18:21
- 33,139
Удзельніка акцыі для зрыву ў Менску прэс-канферэнцыі спецыяльнага прадстаўніка старшыні АБСЕ адправілі ў Расею.
Гэтую інфармацыю БелТА пацвердзілі ў МУС.
Як паведамлялася, група асоб з пашпартамі грамадзян Расеі і журналісцкімі пасведчаннямі выдання "Русская планета" 15 лютага, прадставіўшыся прадстаўнікамі незарэгістраванай у РФ партыі "Другая Россия", зрабіла спробу сарваць прэс-канферэнцыю Марціна Сайдзіка. Яна павінна была прайсці пасля чарговага раўнда перамоў трохбаковай кантактнай групы для ўрэгулявання сітуацыі на Данбасе.
Аднаго з удзельнікаў акцыі затрымалі, і 16 лютага суд Ленінскага раёна Менска прызначыў яму пакаранне ў выглядзе пяці дзён адміністрацыйнага арышту. Правакатары раскідвалі ўлёткі і выкрыквалі лозунгі, якія перашкаджалі камунікацыі амбасадара з прадстаўнікамі СМІ, але неўзабаве былі аператыўна выдаленыя прадстаўнікамі праваахоўных органаў з месца правядзення сустрэчы.