У выхадныя зямляне ўбачаць сонечнае зацьменне

26 лютага ля некаторых раёнаў Зямлі атрымаецца назіраць кольцападобнае сонечнае зацьменне.

Праўда, тэрыторыю Беларусі астранамічная з'ява абыдзе бокам.

Месяцовы дыск пройдзе перад Сонцам. Праз асаблівасці руху нябесных цел спадарожнік не заслоніць зорку цалкам: цёмны дыск Месяца будзе акружаны асляпляльным «кольцам агню», піша tut.by.

Максімум зацьмення здарыцца а 17.54 паводле менскага часу — у гэты момант Месяц закрые Сонца на 99,2% яго дыяметра. Кальцавая фаза працягнецца ўсяго 44 секунды, шырыня вобласці на Зямлі, адкуль яе атрымаецца ўбачыць, складзе ўсяго 30 кіламетраў.

Кольцападобнае зацьменне ўбачаць жыхары паўднёвых частак Чылі і Аргенціны, Анголы і некаторых раёнаў Дэмакратычнай Рэспублікі Конга. Частковае зацьменне будзе відаць у Паўднёвай і Заходняй Афрыцы, на поўдні Паўднёвай Амерыкі і ў Антарктыдзе

У горадзе Лубумбашы ў Дэмакратычнай Рэспубліцы Конга зацьменне створыць фантастычна незвычайны закат: замест чырвонага шара, сонца будзе нагадваць вогненны абруч.

Сёлета зямлян чакае яшчэ і поўнае сонечнае зацьменне. Яно адбудзецца 21 жніўня 2017 года, яго поўную фазу можна будзе назіраць на тэрыторыі ЗША, частковую — у Заходняй Еўропе і ў Паўднёвай Амерыцы. З Беларусі яго відаць не будзе. Найбліжэйшае зацьменне, якое часткова змогуць назіраць беларусы, адбудзецца 21 чэрвеня 2020 года.