У Менску два аўтамабілі пераехалі мужчыну, які ляжаў на дарозе
16- 25.02.2017, 13:08
- 19,675
Надзвычайнае здарэнне адбылося сёння ўночы на праспекце Пушкіна.
У Менску два аўтамабілі пераехалі мужчыну, які ляжаў на дарозе, паведаміў карэспандэнту БелТА камандзір узвода ДПС АДАІ Фрунзенскага РУУС сталіцы Ігар Марат.
"25 лютага прыкладна ў 1.30 у раёне пр. Пушкіна, 36 быў учынены наезд на пешахода, які ляжаў на чацвёртай паласе на рэгуляваным пешаходным пераходзе. Два аўтамабілі адзін за адным рухаліся па гэтай паласе з боку вул. Прытыцкага ў напрамку вул. Матусевіча", – сказаў Ігар Марат.
Першым на чалавека наехаў аўтамабіль "Рэно", потым "Фольксваген Транспарцёр", які ехаў ззаду.
Ад атрыманых цялесных пашкоджанняў малады чалавек 1994 года нараджэння (жыхар Маскоўскай вобласці) памёр на месцы.