Кожны другі беларус эканоміць на ежы

У канцы мінулага года многім давялося адмовіцца ад мяса і рыбы.

Паводле звестак даследавання МАСМД у снежні 2016 года скараціў выдаткі на харчавання кожны другі гараджанін, піша belmarket.by.

Каля паловы жыхароў беларускіх гарадоў пачалі эканоміць на прадуктах харчавання, паведамляе Belretail са спасылкай на даследаванне МАСМД.

У канцы 2015 года аб эканоміі заявіла траціна апытаных. Беларусы імкнуцца эканоміць на мясе, рыбе, шакаладзе, піве, соках, каве і гарбаце.

Таксама рэспандэнты заяўлялі, што ў канцы мінулага года вымушаныя былі цалкам адмовіцца ад набыцця мяса і рыбы. Напрыклад, рыбу перасталі купляць прыкладна 10% гараджан.

Звесткі сацапытання пацвярджаюцца і свежай статыстыкай. У снежні і студзені назіраецца ўстойлівае падзенне раздробнага тавараабарачэння. Так абарачэнне харчовых тавараў у студзені 2017 года скарацілася больш чым на 2%.