У Менску Porsche збіў на пераходзе жанчыну
49- 3.02.2017, 10:15
- 24,097
У выніку ДТЗ жанчына ад атрыманых траўмаў памерла на месцы здарэння.
Смяротны наезд адбыўся 3 лютага, а 07.50, на сталічнай вуліцы Заборскага. Пра гэта tut.by распавяла прадстаўнік ДАІ Цэнтральнага раёна Анастасія Радзько.
Паводле папярэдняй інфармацыі, 38-гадовы кіроўца Porsche ехаў з боку вуліцы Старажоўскай у кірунку вуліцы Багдановіча і ўчыніў наезд на 52-гадовую жанчыну, якая пераходзіла дарогу па нерэгуляваным пешаходным пераходзе справа налева па ходзе руху аўтамабіля.
У выніку ДТЗ жанчына ад атрыманых траўмаў памерла на месцы здарэння.
Прычыны і абставіны аварыі высвятляюцца.