Лукашэнка: Супраць Данкверта трэба распачаць крымінальную справу
18- 3.02.2017, 12:50
- 17,002
Дыктатар прапанаваў кіраўніку Рассельгаснагляду самому выдаіць карову.
Пра гэта Лукашэнка заявіў сёння на прэс-канферэнцыі «Вялікая размова», паведамляе Charter97.org
Закранаючы тэму забароны на ўвоз у РФ беларускіх харчовых тавараў, Лукашэнка запатрабаваў распачаць крымінальную справу супраць кіраўніка Рассельгаснагляду Расеі Сяргея Данкверта - «як калісьці супраць Баўмгэртнэра».
«Няма чаго бракаваць нашы тавары. Ідзі выдаі гэтую карову», - сказаў дыктатар.
Нагадаем, што 6 снежня кіраўнік Рассельгаснагляду Сяргей Данкверт абвінаваціў беларускія ўлады ў кантрабандзе ў РФ забароненых прадуктаў, а таксама ў нізкай якасці прадукцыі, якая пастаўляецца ў Расею мясной і малочнай прадукцыі.
У адказ Лукашэнка заявіў, што «такія дзеячы, як Данкверт, усё аплююць і абгадзяць».
«У нас, нават калі ўсё будзе нармальна, такія дзеячы, як Данкверт і іншыя, падкрэсліў, абылгуць і абгадзяць, як гэта было нядаўна. Аказваецца, у яго кавалак мяса з Беларусі, або шклянка малака, або кавалак хлеба захрасаюць, прадукцыя не тая. І ўрад пры гэтым маўчыць», — заявіў дыктатар 9 снежня.