«Арт Сядзіба» абвяшчае кастынг на спектакль пра Францішка Аляхновіча

«Арт Сядзіба» абвяшчае кастынг актораў і акторак для спектаклю «Францішак. Сцэны з жыцьця ды сноў».

Гэта будзе ўжо другі спектакль, які ставіць «Арт Сядзіба». Першы спектакль пра Браніслава Тарашкевіча  «Браніслаў. Сцэны з жыцьця ды сноў» выйшаў напрыканцы 2015 года і меў вялікі поспех у Мінску, Пружанах, Гомелі і Вільні.

Цяпер «Арт Сядзіба», нарэшце, саспела да новай пастаноўкі. У ёй працягнецца тэма выбітных дзеячоў беларускага адраджэння пачатку ХХ стагоддзя.

Даты правядзення кастынгаў:

13 ЛЮТАГА (19:00 – 21:00)

18 ЛЮТАГА (15:00 – 17:00)

19 ЛЮТАГА (16:00 – 18:00)

20 ЛЮТАГА (19:00 – 21:00)

26 ЛЮТАГА (16:00 – 18:00)

Кастынг будзе адбывацца ў памяшканні «Арт Сядзібы» (пр. Незалежнасці, д. 58, оф. 430).

Запісацца на кастынг можна праз адмысловую форму.

Да ўдзелу запрашаюцца прафесійныя і непрафесійныя акторы і акторкі, а таксама людзі, якія хочуць паспрабаваць сябе на вялікай сцэне.

Спектакль будзе прысвечаны Францішку Аляхновічу — беларускаму тэатральнаму дзеячу, драматургу, а таксама аднаму са стваральнікаў прафесійнага беларускага тэатру.

Новай пастаноўкай «Францішак» арганізатары хочуць паказаць праблемы сучаснай беларускай культуры, якія ўвесь час узнікаюць у айчынным тэатральным мастацтве і тэатральнай сістэме, таму што яна зараз моцна цэнзураваная. Таксама для гледачоў адкрываюцца значныя постаці беларускай гісторыі, якія да гэтага часу з’яўляюцца незаўважанымі.

Па пытаннях наконт кастынгу звяртайцеся на электронную пошту artsiadziba@gmail.com ці па тэлефоне: +375 (29) 651-78-98.