З 1 сакавіка значна падаражэлі камунальныя паслугі

Сёння былі паднятыя тарыфы на газ, святло і цяпло.

Урад з 1 сакавіка праіндэксаваў субсідаваныя дзяржавай кошты прыроднага і звадкаванага газу, а таксама тарыфы на электрычную і цеплавую энэргію для патрэб ацяплення і гарачага водазабеспячэння, піша belmarket.by.

Тарыф на цеплавую энэргію павышаны з 15,6098 рубля за 1 Гкал да 15,6722 рубля.

Кубаметр газу ў дамах і кватэрах з лічыльнікамі і ацяпляльнымі прыборамі ў ацяпляльны сезон будзе каштаваць 9,11 капейкі, летам - 28,53 капейкі. Для кватэр без газавых ацяпляльных прыбораў - 28,53 капейкі. Для карыстальнікаў без лічыльнікаў, але якія маюць газавую пліту будуць спаганяць 2,26 рубля за месяц з чалавека.

Тарыф на газ у жыллі, дзе ёсць газавая пліта і індывідуальны газавы воданагравальнік, але няма цэнтралізаванага гарачага водазабеспячэння, складзе 6,53 руб за кубаметр.

Кубаметр газу ў кватэрах і дамах, дзе ёсць газавая пліта, але няма цэнтралізаванага гарачага водазабеспячэння і індывідуальнага газавага воданагравальніка, будзе каштаваць 3,69 руб.

У жыллі, дзе ёсць індывідуальныя газавыя ацяпляльныя прыборы, але няма прыбораў індывідуальнага ўліку расходу газу, у ацяпляльны перыяд давядзецца плаціць 45,13 капейкі. за 1 кв.м агульнай плошчы жылога памяшкання на месяц, у летні перыяд - 16,92 капейкі руб.

Кубаметр звадкаванага газу ў кватэрах і дамах з устаноўленымі прыборамі індывідуальнага ўліку расходу газу і індывідуальнымі газавымі ацяпляльнымі прыборамі ў ацяпляльны сезон будзе каштаваць 1,6277 руб, у летні перыяд - 0,7608 руб. Пры адсутнасці індывідуальных газавых ацяпляльных прыбораў 1 кубаметр таксама будзе каштаваць 0,7608 руб.

Калі ў хаце ці кватэры не выкарыстоўваюцца прыборы індывідуальнага ўліку расходу газу, але ёсць газавая пліта і цэнтралізаванае гарачае водазабеспячэнне або індывідуальны воданагравальнік (за выключэннем газавага), цана за 1 кубаметр звадкаванага газу складзе 2,26 руб з аднаго жыхара на месяц. Пры наяўнасці газавай пліты і газавага воданагравальніка і адсутнасці цэнтральнага гарачага водазабеспячэння кубаметр звадкаванага газу будзе каштаваць 6,44 руб, пры наяўнасці газавай пліты, адсутнасці цэнтралізаванага гарачага водазабеспячэння і газавага воданагравальніка - 3,02 руб.

Тарыф на звадкаваны газ у жыллё, дзе ёсць індывідуальныя газавыя ацяпляльныя прыборы ў ацяпляльны сезон складзе 5,3438 руб за 1 кв.м агульнай плошчы жылога памяшкання на месяц, летам - 0,7608 руб. Кошт 1 кг газу ў балонах вагой 21 кг у межах нормаў спажывання складзе 0,5404 руб. Балон, такім чынам, будзе каштаваць 11,35 руб.

Тарыф на электраэнэргію ў жылых дамах і кватэрах, абсталяваных электрычнымі плітамі, складзе 0,1013 руб.за кВт.г. Дыферэнцыраваны тарыф у такіх жылых памяшканнях у перыяд мінімальных нагрузак (з 22.00 да 17.00) - 0,0708 руб. за 1 кВт•г, а ў перыяд максімальных нагрузак (з 17.00 да 22.00) - 0,2027 руб. Электрычная энэргія для патрэбаў ацяплення і гарачага водазабеспячэння з далучанай магутнасцю абсталявання больш за 5 кВт у перыяд мінімальных нагрузак (з 23.00 да 6.00) складзе 0,0834 руб за 1 кВт•г, у астатні час сутак - 0,155 руб.

Гэтая пастанова ўваходзіць у дзеянне з 1 сакавіка 2017 г.