28 сакавiка 2024, Чацвер, 13:36
Падтрымайце
сайт
Сім сім,
Хартыя 97!
Рубрыкі

Выйшла ў свет «Гісторыя беларусаў Падляшша»

1
Выйшла ў свет «Гісторыя беларусаў Падляшша»

Больш за 500 старонак кнігі ахоплівае перыяд ад зыходу ледавіка – па перыяд найноўшай гісторыі.

«Гісторыя беларусаў Падляшша» – пад адной вокладкай. Як кажа прафесар Алег Латышонак, суаўтар і рэдактар кнігі, да яе напісання падштурхнулі сябры яб’яднання бацькоў, дзеці якіх вывучаюць беларускую мову, «АБ-БА», паведамляе «Радыё Рацыя».

Кніга скіраваная найперш на беларусаў у Польшчы, але выйшла па-польску:

– Па-беларуску не вельмі шмат людзей чытае, а тым больш гэта для ўсіх, хто зацікавіцца гісторыяй беларусаў. Можна сказаць, што вельмі багата ілюстрацыйнага матэрыялу. Усе кажуць, што добра, бо ўсе любяць паглядзець фотаздымкі і ілюстрацыі.

Больш за 500 старонак кнігі «Гісторыя беларусаў Падляшша» ахоплівае перыяд ад зыходу ледавіка – па перыяд найноўшай гісторыі, кажа прафесар Латышонак:

– Нас гадамі кармілі казкай, што нібыта ў 16-м стагоддзі адусюль збегліся людзі і засялілі гэтую зямлю. Археалагічныя помнікі паказваюць нам бесперарыўнасць засялення нашай зямлі, людзі, якія жылі тут у палеаліт, таксама нашы продкі.

Тыраж – 1 тысяча асобнікаў. Плануецца пераклад кнігі на беларускую мову і выданне яе ў Беларусі. Аўтарамі з’яўляюцца сябры Беларускага гістарычнага таварыства ў Польшчы.

Напісаць каментар 1

Таксама сачыце за акаўнтамі Charter97.org у сацыяльных сетках