Запрашэнне на Дзень Волі - #Баста25
24- Наталля Папкова
- 14.03.2017, 8:09
- 30,857
Да Дня Волі — крыху больш за 10 дзён. Што трэба зрабіць прыхільнікам пераменаў за гэты час?
Пра канкрэтныя крокі напісала ў Фэйсбуку актывістка апазіцыі з Берасця Наталля Папкова і іншыя палітычныя і грамадскія дзеячы:
- Акцыі, якія пройдуць 25 сакавіка ў Менску і на наступны дзень у рэгіёнах, вызначаць будучыню краіны. Улады разумеюць, што народ вельмі моцна абураны і ведаюць, што ў пратэстах прымуць удзел дзесяткі тысяч беларусаў. Таму яны спрабуюць збіць пратэстную хвалю. Мы павінны адказаць на гэта канкрэтнымі крокамі.
Прапаную ўсім прыхільнікам пераменаў правесці ў найбліжэйшыя паўтары тыдні агульнанацыянальную кампанію #Баста25.
У чым яна заключаецца? У трох простых кроках, ад якіх будзе каласальны эфект.
Вам спатрэбяцца тэлефон і кампутар з выхадам у інтэрнэт. Ёсць? Тады засталіся дробязі.
Крок першы. Зрабіце на працягу бліжэйшых дзён запісы на сваіх старонках у любых сацсетках з запрашэннем сяброў на Марш абураных беларусаў у Дзень Волі з хэштэгам #Баста25.
Крок другі. Патэлефануеце цягам бліжэйшых дзён сваім сваякам, сябрам і калегам. Пагаворыце з імі і запрасіць іх на акцыю. Час акцыі — Менск, Акадэмія Навук, 25 сакавіка, 14:00 або цэнтральная плошча вашага горада, 26 сакавіка, 12:00.
Крок трэці. Разашліце на працягу бліжэйшых дзён смс з хэштэгам #Баста25. Знаёмым, аднагрупнікам, тым, хто не часта бывае ў інтэрнэце, проста выпадковым людзям.
Так, чаму #Баста25? Усе проста. Каб інфармацыя распаўсюджвалася шырэй, а нашым прыхільнікам было прасцей знайсці адзін аднаго ў сацыяльных сетках, давайце адзначаць усе нашы запісы хэштэгам #Баста25. Гэты лозунг гучаў на ўсіх апошніх маршах — і ў Менску, і ў рэгіёнах. Хай цяпер народнае «Баста!» бразгаціць па ўсім байнэце.
І — самае галоўнае — папрасіце зрабіць гэтыя тры простыя крокі ўсіх сваіх знаёмых. Я спачатку напісала, што ў пратэстах возьмуць удзел дзясяткі тысяч? Няпраўда — калі мы ўсе возьмемся за распаўсюд інфармацыі пра Дзень Волі, то на вуліцах краіны будуць сотні тысяч абураных беларусаў.