Што рабіў Лукашэнка з «камсамольцам» у гасцях у Пракапені

Рэакцыю Байнэта на візіт Аляксандра Лукашэнкі ў IT-кампаніі можна ахарактарызаваць як скептычна-напружаную.

Учора Лукашэнка наведаў дзве кампаніі, якія працуюць у сферы інфармацыйных тэхналогій, уладальнікам якіх з’яўляецца беларускі прадпрымальнік Віктар Пракапеня. На сустрэчы прысутнiчал буйны расейскі бізнэсовец Міхаіл Гуцарыеў і ідэолаг, былы кіраўнік БРСМ Усевалад Янчэўскі.

Падчас сустрэчы Лукашэнка заявіў, што з боку дзяржавы ім і «надалей будзе аказвацца садзейнічанне» кампаніям, якія працуюць у IT-сектары.

– Я гатовы вас падтрымліваць там, дзе трэба, штосьці спрасціць. Але трэба, каб гэты працэс быў празрыстым, – дадаў ён.

Байнэт насцярожана ўспрыняў нечаканы візіт кіраўніка краіны, піша «Салідарнасць».

«О, мой бог... Ужо нават страшна, калі кампаніі ён наведвае прыватныя».

«Шукае, адкуль бы яшчэ ўрваць».

«Вось выдатны прыклад дзяржаўна-прыватнага партнёрства... Прыехаў паглядзець, як поўсць на авечках прырастае?»

«Не трэба ніякай падтрымкі IT-сектару. Ён сам нядрэнна спраўляецца. Усюды, куды ўлазіць дзяржава, пачынаецца бардак».

«Калгасы падняў, запусціў заводы – пара б і ў IT-сектары навесці жорсткі парадак...»

«Уцякайце, Віктар, бяжыце...»

«Як мне здаецца, гэтым Лукашэнка хоча супакоіць ІТ-грамадскасць пасля адстаўкі Цапкала».

«Вось гэта жыццёвы паварот! Учора называў Пракапеню жулікам, а сёння да яго на паклон. А наогул, на месцы Лукашэнкі разумны чалавек бы праводзіў мазгавыя штурмы з камандай эканамістаў і прымаў бы неадкладныя рашэнні па лібералізацыі эканомікі, а не па прыватным кампаніям у суправаджэнні камсамольца катаўся б...»