Парашэнка прапанаваў прыпыніць транспартнае злучэнне з «ДНР» і «ЛНР»

Выключэнне трэба зрабіць для гуманітарных грузаў, заявіў украінскі прэзідэнт на пасяджэнні РНБА.

Прэзідэнт Украіны Пятро Парашэнка прапанаваў Радзе нацыянальнай бяспекі і абароны (РНБА) Украіны часова спыніць транспартнае паведамленне з некантралюемымі тэрыторыямі ў Данецкай і Луганскай абласцях. Выключэннем павінны стаць гуманітарныя грузы ўкраінскіх і міжнародных арганізацый, заявіў ён на пасяджэнні РНБА ў сераду, 15 сакавіка.

Гаворка ідзе пра поўнае прыпыненне ўсяго транспартнага злучэння да тых часоў, пакуль прарасейскія сепаратысты не вернуць Украіне захопленыя прадпрыемствы, паказаў далей Парашэнка. «Папярэдні кошт адабраных актываў блізу 2 мільярдаў даляраў. Частка уласнікаў... згарнула вытворчасць. А тыя, хто яе вядзе... хай і не разлічваюць на рэалізацыю тавараў ва Украіне», - адзначыў ён далей.

Адначасова ўкраінскі прэзідэнт заявіў, што сітуацыя на Данбасе істотна пагоршылася пасля таго, як Расея прызнала пашпарты так званых «ДНР» і «ЛНР».