Менская актывістка: Дзяржаве веры няма!

Чара людскога трывання перапоўненая, людзі ўжо нічога не баяцца.

Да пратэстоўцаў c палымянай прамовай звярнулася менская актывістка:

«Мы тут, каб выказаць свой гнеў і абурэнне. Гэтым ідыёцкім дэкрэтам, антынародным законам. Шмат гадоў дзяржава і чыноўнікі балююць за нас кошт. Набіваюць скарбніцу штрафамі і незаконнымі паборамі. Спачатку былі скасаваныя льготы, затым уведзены дарожны падатак, падвышаны пенсійны ўзрост, а цяпер гэты дэкрэт. Дзяржава закручвае накруткі! Але ёй усё мала! Беззаконню няма мяжы! Улада канчаткова стала нахабнай, хоча прымусіць нас плаціць за сам факт нашага існавання. Асабліва гэта адчуваецца ў рэгіёнах, дзе закрываюцца апошнія прадпрыемствы. Каб пракарміць сваіх дзяцей, людзі вымушаныя ехаць на працу за мяжу. Я з гэтага часу дармаед — дзяржаве веры няма! Гэта ўсё выглядае асабліва цынічна на фоне таго, што Лукашэнка стварыў сапраўднае войска дармаедаў, чыноўнікаў і міліцыянтаў. Яны жывуць за наш кошт, але чамусьці ніхто іх не залічыў у дармаеды. Чыноўнікі — злодзеі, палітыкі — хлусы, за даляры капаюць магілу для краіны! Чара людскога трывання перапоўненая! Людзі не баяцца нават рэпрэсій! Не верце абяцанням чыноўнікаў! Сёння мы выйшлі ўсе разам, каб выказаць свой пратэст! «Стать рабом не убедит, государство паразит!» Уладу народу!»

Сайт Charter97.org вядзе онлайн-трансляцыю з «Маршу недармаедаў».