Беларускім аўтамабілістам падрыхтавалі чарговы «сюрпрыз»

У краіне зменены парадак залічэнняў транспартнай дзяржаўнай мыты і штрафу за парушэнне ПДР.

У Беларусі зменены парадак залічэнняў транспартнай дзяржаўнай мыты і штрафаў за парушэнне правілаў дарожнага руху (ПДР), піша БелТА.

У сувязі з уваходжаннем у дзеянне з 28 студзеня 2017 года інструкцыі аб парадку залічэння, размеркавання і механізме вяртання даходаў рэспубліканскага і мясцовага бюджэтаў, бюджэтаў дзяржаўных пазабюджэтных фондаў у 2017 годзе зменены парадак залічэння дзяржаўнай мыты за выдачу дазволу на допуск транспартнага сродку да ўдзелу ў дарожным руху з арганізацый і фізічных асоб. Выплата ажыццяўляецца ў рэспубліканскі бюджэт на рахунак галоўнага ўпраўлення Міністэрства фінансаў г. Менска.

У Міністэрстве падаткаў і збораў апублікавалі на сайце таксама рэквізіты для залічэння дзяржаўнай мыты.

Штрафы за парушэнне правілаў дарожнага руху, якія накладаюцца службовымі асобамі сістэмы Дзяржаўнай аўтамабільнай інспекцыі Міністэрства ўнутраных спраў, неабходна выплачваць у рэспубліканскі бюджэт на рахунак галоўнага ўпраўлення Міністэрства фінансаў Цэнтральным раёне Менска. Рэквізіты для залічэння штрафу: нумар рахунку 3 602 911 010 004. Найменне банка: г. Менск, ААТ «ААБ Беларусбанк». Код банка: 795. УНП бенефіцыяра: 100 064 110. Найменне падатковага органа, які ажыццяўляе кантроль за выплатай плацяжоў: ІМПЗ РБ Цэнтральнага раёна Менска.