БАТЭ адказаў актывісту Ігару Случаку ў вершах
4- 16.03.2017, 18:51
- 18,428
Актывіст Ігар Случак заклікаў барысаўскі клуб шырэй выкарыстоўваць беларускую мову, на што атрымаў арыгінальны адказ.
Беларускі актывіст Ігар Случак на сваёй старонцы ў Facebook размясціў фатаграфіі афіцыйнага адказу генеральнага сакратара БАТЭ Андрэя Вашкевіча на запыты, якія паступалі ў клуб.
«Адказы БАТЭ па-сапраўднаму чэмпіёнскія, а перапіска — адное задавальненне. Другі год запар — у вершаванай форме і з сапраўдным беларускім духам, дзе ёсць месца для беларускай мовы, вышыванкі і адсылкі да «Пагоні» Максіма Багдановіча. Дзякуй, дужа прыемна! І добры прыклад для іншых футбольных клубаў Беларусі», - напісаў Случак.
«...У далёкіх краінах чужых
На тамтэйшых калег-чэмпіёнаў
З роднай мовай у сэрцах сваіх
Мы выходзім на ўсе стадыёны.
І калі на замежных палях
Зноў сустрэнем «Баварыю» тую,
Успомнім пену на грозных канях,
Успомнім Вострую Браму святую!»