Еўракамісія ўхваліла выдачу €600 млн фінансавай дапамогі Украіне

Грошы будуць выдадзеныя ў канцы сакавіка – пачатку красавіка.

Еўрапейская камісія ўхваліла выдачу Украіне другой раты макрафінансавай дапамогі на €600 млн для падтрымкі рынку капіталаў, паведамляе gordonua.com са спасылкай на афіцыйны сайт Еўракамісіі.

Як адзначыла афіцыйная прадстаўніца Еўракамісіі Аніка Брэйдхард, грошы будуць пералічаныя ў канцы сакавіка – пачатку красавіка. Яна патлумачыла, што гаворка ідзе найперш пра дапамогу ўкраінскім грамадзянам і падтрымку ўкраінскага ўрада, які імкнецца праводзіць рэформы. А пералічэнне сродкаў праводзіцца "пры рэалізацыі прагрэсу".

"Украіна прарабіла выдатную працу для стабілізацыі і рэфармаванні сваёй эканомікі, нягледзячы на, што разгортваецца ўзброены канфлікт на яе зямлі. Мы хочам бачыць і надалей пазітыўную тэндэнцыю рэформаў ва Украіне", – падаюцца ў дакуменце словы намесніка старшыні Еўракамісіі ў праблематыцы еўра і фінансавых паслуг Валдзіса Дамброўскіса.

Дамброўскіс адзначыў, што выплатай гэтай другой раты ЕЗ пацвярджае "даўнюю прыхільнасць падтрымцы Украіны ў яе намаганнях для захавання стабільнасці і забеспячэння эканамічнага аднаўлення ў краіне".

Як паведамілі ў Еўракамісіі, у выніку выдачы сродкаў агульная макраэканамічная дапамога Украіне з 2014 года дасягне €2,81 млрд, што з'яўляецца "найбольшай сумай макраэканамічнай дапамогі, выдадзенай ЕЗ усялякай краіне, якая не ўваходзіць у звяз".

У Брусэлі заявілі, што Украіна "ў значнай ступені выканала ўзятыя на сябе палітычныя абавязанні, узгодненыя з ЕЗС", у ліку якіх актывізацыя барацьбы з карупцыяй, спрыянне большай празрыстасці ў кіраванні дзяржаўнымі фінансамі, мадэрнізацыя дзяржаўнай адміністрацыі, прасоўванне рэформаў у энэргетычным і фінансавым сектарах, паляпшэнне бізнэс-асяроддзя, а таксама ўмацаванне сістэмы сацыяльнай абароны.

У траўні 2015 года Украіна і ЕЗ падпісалі мемарандум аб наданні макрафінансавай дапамогі на суму €1,8 млрд. Гэта крэдытныя сродкі, якія выдаюцца трыма ратамі па €600 млн кожная.

Кіеў атрымаў першую рату ў 2015 годзе. Да канца гэтага года планавалася і выдача другой раты, але перыядычна адкладалася праз невыкананне Украінай сваіх абавязанняў у мемарандуме.

10 кастрычніка 2016 года Х'юг Мінгарэлі паведаміў, што для атрымання другой раты Украіне трэба скасаваць забарону на экспарт лесу і разгледзець пытанне выдачы сацыяльнага забеспячэння перасяленцам.

24 лістапада 2016 года старшыня Еўрапейскай камісіі Жан-Клод Юнкер заявіў, што Еўрапейскі Звяз можа "найбліжэйшыя дні або тыдні" даць Украіне другую рату макрафінансавай дапамогі сумай €600 млн, калі будзе прыняты закон, які дазваляе экспарт лесу.

10 лютага кіраўнік Еўракамісіі паведаміў, што другую рату макрафінансавай дапамогі ад ЕЗ Украіна можа атрымаць ужо ў лютым.