Чыноўнікі ўгаворваюць беларусаў працаваць за $100 у месяц
163- 17.03.2017, 12:46
- 35,854
У Міністэрства працы лічаць, што «лепш сініца ў руцэ, чым журавель у небе».
Беларускія чыноўнікі ўгаворваюць народ працаваць за 100-200 даляраў у месяц. Такая, маўляў, эканамічная сітуацыя і нічога тут не зробіш.
Пра гэта заявіў у інтэрв'ю sb.by начальнік упраўлення палітыкі занятасці Міністэрства працы і сацыяльнай абароны Алег Такун. Пры гэтым ён прызнаў, што «не кожны хоча атрымліваць 250-400 рублёў». «Але такая ўжо зараз сітуацыя», - дадаў ён, не ўдакладніўшы, чаму такая сітуацыя склалася ў Беларусі.
Чыноўнік таксама адзначыў, што, калі яму патрэбная была праца, ён згаджаўся на любыя грошы. «Не хочацца быць банальным, але ўсе ж лепш сініца ў руцэ, чым журавель ў небе», – дадаў Такун.