Беларускі гурт Agata сарваў авацыі ў Варшаве

Камеральны канцэрт арт-фолк дуэту Agata з поспехам прайшоў у сталіцы Польшчы.

Камеральныя канцэрт беларускага арт-фолк дуэту Agata сабраў некалькі дзясяткаў гледачоў у Варшаўскім клубе «Склад Бутэлек». Выступ артыстаў і працяглыя авацыі публікі чарговым разам пацвердзілі вялікую цікавасць да беларускай фолк-музыкі за мяжой, паведамілі Charter97.org арганізатары канцэрту.

Agata ў сваіх аранжыроўках выносіць народныя песні за рамкі стандартных інтэрпрэтацый. Кампазіцыі дуэта ўяўляюць спалучэнне фальклору з сучаснымі музычнымі стылямі. Абрадавыя напевы і дахрысціянскія песні Беласточчыны і Палесся ў выкананні артыстаў дазваляюць паглядзець на народную музыку з новай перспектывы.

Артысты і арганізатары спадзяюцца, што беларускія канцэрты стануць трывалым складнікам варшаўскага культурнага жыцця.