NASA паказала ўнікальныя кадры з паверхні Марса
2- 2.03.2017, 11:44
- 18,304
Здымкі былі зробленыя ў рамках даследавання ўздзеяння ветру на ландшафт Чырвонай планеты.
Спецыялісты агенцтва стварылі здымкі з паверхні Марса GIF-анімацыю, якая дэманструе, як вецер рухае пясчаныя выдмы і барханы на планеце, паведамляе obozrevatel.com.
На малюнку відаць змена ўчастка паверхні Чырвонай планеты шырынёй прыкладна метр за адзін марсіянскі дзень.
У NASA распавялі, што 23 студзеня (па зямным календары) марсаход Curiosity даслаў на Зямлю першую фатаграфію, а другую – 24 студзеня.
Здымкі былі зробленыя ў рамках даследавання ўздзеяння ветру на ландшафт Чырвонай планеты. Вядома, што ў летні перыяд у кратэры Гейла найбольш моцны вецер.
Варта адзначыць, што ў верхнім левым куце малюнкаў можна ўбачыць адно з колаў марсахода Curiosity, а таксама сляды ад іх.