Кіраўнік МЗС Нямеччыны: Мы падтрымлівае імкненне Літвы забяспечыць бяспеку БелАЭС

Зігмар Габрыэль заявіў, што цягам усёй сваёй палітычнай кар'еры быў скептычна настроены ў дачыненні да АЭС.

Міністр замежных спраў Нямеччыны Зігмар Габрыэль, які знаходзіцца з візітам у Вільні, заявіў, што разумее занепакоенасць літоўскага ўрада з нагоды атамнай станцыі, якая будуецца ў Беларусі, і падтрымлівае імкненне дамагчыся яе бяспекі праз міжнародныя арганізацыі.

«Мы выдатна разумеем заклапочанасць Літвы з нагоды станцыі, якая будуецца. Мы падтрымліваем імкнення забяспечыць бяспеку, станцыі з дапамогай звароту ў Міжнароднае агенцтва атамнай энэргетыкі», - заявіў у сераду Зігмар Габрыэль на сумеснай прэс-канферэнцыі з міністрам замежных спраў Літвы Лінасам Лінкявічусам, піша delfi.lt.

Кіраўнік МЗС Нямеччыны сказаў, што на працягу ўсёй сваёй палітычнай кар'еры быў скептычна настроены ў дачыненні да АЭС, бо іх электраэнэргія дарагая і павінна субсідавацца.

«У Еўропе не будуецца цяпер ніводнай электрастанцыі, якая б не субсідавалася, і менавіта з гэтай прычыны мы павінны перайсці да крыніц энэргіі, што аднаўляюцца», - сказаў Габрыэль.

Літоўскі ўрад непакоіцца аб тым, што Беларуская АЭС у Астраўцы, узводзіцца за 50 км ад сталіцы Літвы - Вільні, без захавання стандартаў бяспекі, да таго ж яна можа перашкодзіць планам Балтыйскіх краін сінхранізаваць свае ЛЭП з Заходняй Еўропай.