Беларус прызнаны найлепшым трэнерам 22-га тура чэмпіянату Украіны
- 20.03.2017, 20:28
- 43,326
Галоўны трэнер «Сталі» Леанід Кучук атрымаў ад экспэртаў сярэдні бал пяць паводле пяцібальнай шкалы.
Галоўны трэнер «Сталі» Леанід Кучук быў прызнаны Усеўкраінскім аб'яднаннем трэнераў у футболе (УАФТ) найлепшым сярод сваіх калег у 22-м туры чэмпіянату Украіны, паведамляе «Прессбол».
Настаўнік каманды з Каменскага атрымаў ад экспэртаў арганізацыі сярэдні бал 5 паводле пяцібальнай шкалы, паведамляе sportarena.com.
Максімальную ацэнку Кучук зарабіў дзякуючы разгромнай перамозе «Сталі» над «Александрыяй» (4:1). Саступаючы ў матчы 0:1, сталявары здолелі павярнуць ход гульні на сваю карысць і забіць чатыры галы.
Гэтая вікторыя прадоўжыла серыю пераможных матчаў «Сталі». Цяпер іх тры запар. Столькі матчаў запар каманда з Каменскага не перамагала ніколі раней у чэмпіянатах Украіны.